هذه قصيدة غزليه
لوالدي الشاعر / شقير بن عجل بن مصاول بن مدلج ( رحمه الله )

اللي سقم حالي غزال ٍ صــــغيري =غـريـب شـكل وجـزني بالهواء جـزّ
أبو شفاه ٍ دق سلك الحــــــريري = لا واهـني اللي مـن اطـرافـهـن مـزّ
شبيت نار الحـــــب داخل ضميري=ولعتها تولــــــــــيعة النــار للــقــزّ
وبنيتلك بالقلــــب قصر ٍ عـسيـري =ساسه حجر بالقلـب مـاعاد يـهتـز
ياعود ريــــحان ٍ على جال بيري =عوده لـيان وتو..في طلعتـــه نـّز
راعي جــــديل ٍ فوق مـتـنه نثـيري =عليهن الريحان والورد يــفرزّ
ياعـــين حّر ٍ بالحباري شطيري= حّـر ٍ له المـلـواح والوكـر يركـزّ
لاشاف برق الريش صعب المطيري =مامنهن اللي في مطيره تعززّ
في حبكم ما ضاع هرج المشيري =ان كان حبي مثل حبك على عزّ

المشاركة الأصلية كتبت بواسطة الحميدي بن فارس الميزاني (المشاركة 352875) صح لسان الشاعر المرحوم شقير بن عجل بن مصاول بن مدلج واشكر موصول لك يابو نواف على نقلك لهاذي القصيده الجزله تحياتي لك

المشاركة الأصلية كتبت بواسطة صالح بن شداد (المشاركة 352892) الشاعر / شقير بن عجل بن مصاول بن مدلج ( رحمه الله ) شاعر نضم ومحاورة وكان يقارع كبار الشعراء منهم خلف ابن هذال العتيبي وعبدالعزيز البادي شاعر عنيزة المعروف وبن سرحان الشيباني واحمد الناصر- الخ000000000 مشكور ابو نواف على النقل الله يعطيك العافية