الحزن خيم عقب مامات سلطان=والهم وسط الصدر نوخ ركابه
ابو الفقاراى والارامل ويتمان=وابو اليمين اللي تعشى الذيابه
سلطان ابو خالد سند كل مزبان=مكرم الضيفان ماصك بابه
تنفق يمينه خير في كل ميدان=ويفرح المضهود واللي لجابه
له ضحكة تذكر على مر الازمان=وله ماقفن كلن يحسب حسابه
خدم بلاده بالتطور ولاهان=والجيش قاده في نهار الحرابه
واليوم ينعى في جميعات الاوطان=وكل دموعه فوق خده سكابه
من الدول شفنا له اشكال والوان=وكلن بعد موته سمعنا خطابه
لعل قبره ينهمل فيه هتان=على ثرى قبره تهل السحابه
وعساه بالفردوس له بيت وركان=يلقى طعامه قبل يلقى شرابه
وعسى بقان بابو متعب كحيلان=وباقي اخوانه يوم طول غيابه