فمان الله ياجرحا توطن بالخفوق وطاب=فمان الله يا جرح الحبيب وأخر اطيابه
فمان الله ياسقم القلوب ودمعة المنصاب=فمان الله ياذكرى الغرام اللي لمع نابه
يروح العمر و تمر السنين وترحل الأحباب=وحكم الله على المخلوق يؤمن به ويرضى به
و حنا به رضينا ونسأل الله نقطف الإعناب=ولا ياحاسب حدانا لا رجعنا له ولحسابه
رجيناه العفو والمغفره والقلب له قد تاب=رجينا رحمته نجسدله ونبكي على بابه
خطانا انا عشقنا والعشق من عادته كذاب=نقول الحب ماهو عيب لين انا غرقنا به
وقصايدنا كتبناها على نغم الهوى الجذاب=نسطر بالقصيد شعور والعالم تغنى به
نجاوب بعضنا بحروف مانشعر وهي تنساب=قصايد والقصايد تحفظ التاريخ بكتابه
خلاص اليوم ملينا ومل من القصيد كتاب=عليه اسم الإثنين موثق والكل يقراء به

يروح العمر و تمر السنين وترحل الأحباب=وحكم الله على المخلوق يؤمن به ويرضى به