السلام عليكم ورحمة الله وبركاته "

جلست اهوجس واعيد الفكـر واكـره =واشوف فرق امس عن ذاليوم وشلونه
ولقيت دنياً تجـي بالعكـس مفتـره =ولقيت لي عالمٍ ما هيـب مـا مونـه
ما يسلم الواحد من النـاس بالمـره =لو كان يمشي الحالـه مـا يخلونـه
لا شافوا المسلم اللـي كافـي ن شـره =قاموا يلفـون حولـه ليـن يوذونـه
لو سج من زر جيب الثـوب مـا زره =سوو هجـومٍ علـى جيبـه يزرونـه
والله مـدري ورى ذالنـاس محتـره =كنه علـى روسهـم دايـم يشيلونـه
هم مكمن الضعـف لاذمـه ولا سـره =بالضبط يعني ذممهم شبـه مدفونـه
ماتستوي الناس دام النـاس مغتـره =ذا منبع الطيـب ولا ذاك مـن دونـه
والنذل مهما حرصـت وقلـت بتبـره =يضمر لك الكره وينوشك ردى خونـه
ناسٍ تعلت وناس اصغر مـن البـره =في نظرة اللي شكت لـدار محزونـه
من تجربة وقت من دنيـاي منجـره =صوتا كتمته ياعـل الكـل يوحونـه
وانا ادري الوقت مايصفـى ولـه زره =واللـي علـى قـد حالـه إتبلّـوُنـه

المشاركة الأصلية كتبت بواسطة أبو راكان (المشاركة 303836) صح لسان شجن.شيله رائعه ولهان اخوي هزاع المهلكي على هالشيله. ومشكوره اختي نزف المشاعر على النقل المميز

مـا يسلـم الواحـد مـن الـنـاس بالـمـره
لـو كـان يمـشـي الحـالـه مــا يخلـونـه
لا شافوا المسلم اللي كافـي ن شـره
قـامـوا يلـفـون حـولــه لـيــن يـوذونــه


صح لسان الشاعره شجن
وصوت جميل هزاع المهلكي
يعطيك العافيه عيوني

المشاركة الأصلية كتبت بواسطة ابن مصاول الميزاني (المشاركة 303881) صح لسان شاعرها ويسلم صاحب الصوت الرائع هزاع المهلكي نزف المشاعر نقل جميل جداً وما راق لك راق لي الله يعطيك العافيه لاهنتي