ياسيدي ياخادم البيتين ياذرب اليمين = ياطالع دروب المعالي والمراجل كلها

ياكاسبٍ حب البشر ياقدوة للمسلمين= يالي قلوب الناس في لمحة بصر تحتلها

يابو اليتاما والضعوف ابو الكبار العاجزين= يامصلحٍ كل القضايا دقها مع جلها

انت الملك وبن الملك انت الاسد من العرين=انت الذي لاكبرت القالات عندك حلها

وحناحزامك ساعة الشدات حنا حاضرين=دون الوطن ياسيدي حدب السيوف نسلها

ياسيدي ياخادم البيتين يالحصن الحصين= انته سوات الشجره الي نستظل بظلها

والزمره الي فعلهم بالدين والدوله مشين= الي تحاول تفرقه تبطي ولايحصل لها

سود الوجوه اهل العلوم الخايبه والحاقدين=ياسيدي حنا لياجات اللزوم نذلها

لاخيرفينا كان ماقمنابوجه العابثين = ان كان ماماتت خفافيش الظلام بغلها

ياشلة الارهاب والتفجيروالفعل المشين= وش ذنب مسكينٍ دموعه عقب ابوه يهلها

ووش ذنب رجالٍ عياله كلبوهم ميتين = بالغدرخليتو جثثهم باليدين يشلها

من عقب ماينظرلهم نظرة حنان الوالدين= شتتوآماله وراحت في ثواني كلها

والابلدناماتزعزعها فعول الخارجين = المملكه تبقى بعز ودلنا من دلها

مادام ابو متعب ملك وسلطان له خير العوين= ونايف وزير الداخليه والصعاب يذلها

وحناعلى العهد القديم معاهدين مبايعين=والا الخوارج يابو متعب لوتموت احسن لها

المشاركة الأصلية كتبت بواسطة ابن صحران (المشاركة 181568) أبيات قمت الروعه والجماليه والله يحفض لنا مليكنا والمملكه بشعبها والف شكر لك اخوي عبد الرحمن على القصيد الجزل يعطيك العافيه

المشاركة الأصلية كتبت بواسطة دخيل الغلإ (المشاركة 181606) صح لسانك ابو عيسي ويعطيك الف عافيه

المشاركة الأصلية كتبت بواسطة أبو راكان (المشاركة 181636) صح لسانك يابو عيسى. يعطيك العافية