منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر مجري خضر (http://www.almouazeen.com/forumdisplay.php?f=130)
-   -   (ضافيت الجدايل) (http://www.almouazeen.com/showthread.php?t=28723)

مجري خضر 03 - 05 - 10 02:48 PM

(ضافيت الجدايل)
 
انا وشعر يا ضاف الجدايل=تعاهدنا جديدات المثايل
بغني وطرق بلحنن الهلالي=وخايل كل برقن فـي مخايل
لاأعجبني زماني في بريقه=كأنه يرسل لفكري رسايل
اشـب النار في راس الفتيله=وحارب بالحروف ايات عايل
كأن الشعر فـي جسمي اجنه=اسـوي منه للعذراء الهوايل
وكأن الفكر بركانن تجدد=لهيبه من بنات الفكر سايل
وكأن الريح في صدري مهبه=عمل في خافقي اقوى العمايل
اعيشـه واقعن يلمع وحسه=غذا للجسم من ضمن السوايل
اجاوب كل ورقـى وتغـنا=وحط من الضلوع الها ضلايل
وشـد القاف ولمعنى يـشـده=وركب من عباراتي ستايل
وقول القول والمضمـون اعيـده=متى جات الكديش امع الاصايل
ولن ماتت شـوارد في مهدهـا=بكت سلمى وجاوب حزن حايل
نقـول انا نواكب هتقـدم=بساعات الحميضي والمبايل
مـن الموضـه تغير مجتمعنا=وسرى البيرق على ضهر الرحايل
ولانحسب حساب لكل مخطي=وناخذ منه زينات الخصايل
ليـا قلنا نثبـت ما نقـوله=لو ان الوقت جاب انا الهوايل
يابـن ادم تمهـل لـك هـديه=تفكك من ملاهيب وملايل
وصية اخ وحفض هالوصيه=وعندي للوصاه اكبر دلايل
تجنب ضربت السيـف المميته=تصيبك من كفوف ابن الحمايل
ولا حصلـت فرصه فغتنمها=ترى الايام تعـدل كل مايل
ولاتنزل بنفـسـك للمـذله=تضيع اليل وتضيع القوايل
وقـم لنفـس بالحسنى وصنها=ترى زايل ومافالكون زايل
ويبقى وجه ربي جـل شأنه=هو القايل وغيره مـاش قايل

قاسم الزراقي 03 - 05 - 10 02:52 PM

رد: (ضافيت الجدايل)
 
صح السانك يا مجري
قصيدة جميلة لا هان راسك

ملكة القوافي 03 - 05 - 10 03:01 PM

رد: (ضافيت الجدايل)
 
اقتباس:

المشاركة الأصلية كتبت بواسطة مجري خضر (المشاركة 296464)
تجنب ضربت السيـف المميته=تصيبك من كفوف ابن الحمايل
ولا حصلـت فرصه فغتنمها=ترى الايام تعـدل كل مايل
ولاتنزل بنفـسـك للمـذله=تضيع اليل وتضيع القوايل
وقـم لنفـس بالحسنى وصنها=ترى زايل ومافالكون زايل
ويبقى وجه ربي جـل شأنه=هو القايل وغيره مـاش قايل

صح لسانك أخوي مجري خضر

أبن مصاول 03 - 05 - 10 03:01 PM

رد: (ضافيت الجدايل)
 
الله .الله..الله صح لسانك أخي مجري على هذا الإبداع وعلى هذا البحر الذي انا أحبه جداً ألا وهو بحر الهلالي حيث أن كثيراً من الشعراء قد أهملوه تماماً وخاصة من شعراء نجد بشكل عام حيث أنني لا أشاهد إلا القليل في هذا البحر وقد طالبت الشعراء أكثر من مرة أن لا يلتزموا ببحر معين فقط ويكزوا عليه فشاعرية الشاعر تجعله محترفاً في كل بحور الشعر ..

وليس بحر الطويل فقط هو البحر المميز


قصيدة رائعة وجزلة


كأن الشعر فـي جسمـي اجنـه=اسـوي منـه للعـذراء الهوايـل
وكـأن الفكـر بركانـن تـجـدد=لهيبه مـن بنـات الفكـر سايـل

الله ..الله

كل القصيدة جاءت قوية ومترابطة وعلى بحرها الرائع حتى النهاية


أبن مصاول

عز الخوي 03 - 05 - 10 03:21 PM

رد: (ضافيت الجدايل)
 
صح لسانك يابو خضر على القصيده الرائعه لاهنت يالذيب

مــزعــــــل الــشـــمري 03 - 05 - 10 03:24 PM

رد: (ضافيت الجدايل)
 
صح السانكـ،
سلمت اناملك على هذا الكلمات الراقيه

تقبل مروري المتواضع

كل الاحترام والود^_^
أبيات تستحق التميز
لاعدمتكـ، يالغلا
في قمهـ، الروعهـ،
تحياتي لكـ،
مزعل الــشــمري

شويهينه الهيلا 03 - 05 - 10 05:16 PM

رد: (ضافيت الجدايل)
 
الله عليك
مميز في احساسك وحرفك
صح لسانك
بانتظار جديدك

ابن مصاول الميزاني 03 - 05 - 10 05:25 PM

رد: (ضافيت الجدايل)
 
الله الله عليك يا مجري

قصيدة راقت لي كثير من معانيها واسلوبها

صح لسانك مليون وبيض الله وجهك ولاهنت

أبو راكان 03 - 05 - 10 05:27 PM

رد: (ضافيت الجدايل)
 
صح لسانك واعتلى شانك على هذه القصيدة.وتضاف لروائع الشاعر/مجري خضر

الحميدي بن فارس بن مدلج 03 - 05 - 10 07:08 PM

رد: (ضافيت الجدايل)
 
صح لسانك اخوي مجري علئ هالقصيده الرائعه


الساعة الآن 02:43 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها