منتديات الموازين الرسميه - (خوة رجال المعرفه هي رصيدي )

منتديات الموازين الرسميه (http://www.almouazeen.com/index.php)

- ديوان الشاعر/راشد العبداني (http://www.almouazeen.com/forumdisplay.php?f=151)

- - (خوة رجال المعرفه هي رصيدي ) (http://www.almouazeen.com/showthread.php?t=40631)

(خوة رجال المعرفه هي رصيدي )

الحمدلله رب العالمين
والصلاة والسلام على الهادي الامين
وآله والصحب اجمعين

نص يرى النور لاول مره و يتحدث عن نفسه ’

خوة رجال المعرفه هي رصيدي
يومن غيري ماعرف مين يختار

بدل رجال الطيب عقل البليدي
ثم يحسبنه ذاخر الحر سنجار

والرفقه اللي تنشرى بالوريدي
احطها مابين خشمي والانظار

طبعي كذا والاحياة الزهيدي
يااذاعة الاخبار ودي هالاخبار

ماعندنا قولي ترى من جديدي
والحظ ماعبر طويلين الاشبار

صار الوفا عيب الزمان الوحيد
والشيخ ماكفا تعاليم الاذكار

مل الوطن غربه باحاسيس قيدي
واللي طمع باعذار ماحصل اعذار

هذي ملامحنا وهذا قصيدي
وهذا الهوى غدار والفين غدار

مادام اني مفتون راع النهيدي
اللي يصب اعذار في وجه الاقدار

باصبر لوان الصبر ماهو يفيدي
واهدي لها ايامي ورودن وتذكار

واقول لك ياانسان وقف بعيدي
لاتفسد بشتى مجالات الامصار

لو يرجع الشايب بلحظه وليدي
ماظنتي ينسى للياليك محدار

شفنا العجايب تسبر بكل عيدي
ونعش الاماني وسطها دق مسمار

مثل التنافر بين نار وجليدي
سمار عشنا باول العمر سمار

حزة مغيب اننام قبل الوعيدي
اطفال مانخفي عن العالم اسرار

واللي انكتب باللوح ماعنه حيدي
نطوي مسافات التعب كل مشوار

وان طالت الغربه وهاج الحديدي
لهجت انا دعواي سرن مع اجهار

ياربي دنيا دون ذنب ومكيدي
ترجع مصايبها على كل من جار