البارحه يوم اقرب الناس غافي = واللي بعيد الدار عني مغَفّي
عيني قزت والنوم للجفن عافي = والدمع ماساعه عن الخد كفي
والقلب فيه من الجروح الخوافي = جرحٍ عطيب وعن عذولي مخَفي
لا القرب راحه له ولاالبعد شافي = لاراجياً طِبه ولا الياس شفي
كله سبب من صار بالعهد وافي = عامين نور العين واقف بصفي
قلبه وقلبي بالموده ولافي = والستر من عِفة هوانا مضفي
نمسي ونصبح مانعرف التجافي =على النبا الطيب وكفه بكفي
عني حداه من القرابه سنافي = واقفى مع اللى في حياته مقفي
ضاع الامل كله بعد كان ضافي = وامسيت من كل الاماني مصفي
جِزت وقنعت وما على الرب خافي = من يم وده صرت طاوي ملفي

صح لسانك يابو ماجد
رائعه تضاف الى روائعك
دائماً تحسن انتقاء مفرداتك
فلله درك ياجزل
.