عز الله اخطا من مسميك رجّال.!
 

جانـي يعايرنـي بقولـه: | فقيـره |

قلت الفقر ماهوب فـي قلـة المـال

الفقر هو نقـص العقـل والستيـره

واما بغيرة يـا\".... \" نستـر الحـال

قال: وعلـى فقـرك وكنـك اميـره

تحكي بعـز وتمشـي بفخـر تختـال

قلت: ايه وازيدك من البيـت غيـره

مادامني من خيـر ربـي انـا اكتـال

مـادام مايسجـد جبيـنـي لغـيـره

أللي خلـق ارض وسمـوات وجبـال

اللي حبانـي نـور عيـن وبصيـره

أميز يميـن الخطـاوي مـن شمـال

مانـي قليلـة فهـم مثلـك غريـره

أمشي عـدل واميـل للوقـت لامـال

ماغرني صـوف الزمـان وحريـره

ومهما يضيق الوقت فيّه أبـا احتـال

وكانك تعايرنـي بقولـة: | فقيـره |

بقول شي(ن)صعـب اشـوي ينقـال

صحـيح امـلاكك اعدادها كثـيـره

صحيح تلبس غتره وثـوب وعقـال

بقول لك كلمـة ولـو هـي كبيـره:

/.. عز الله اخطا من مسميك رجّال.!




\
\
\
وسـلاااامتكــمـ ..

رد : عز الله اخطا من مسميك رجّال.!
 

روعه روعه... يعطيك العافيه

رد : عز الله اخطا من مسميك رجّال.!
 

اي والله عز الله اخطـــا...
قـصـيــــده روووووووووعــــــــه

يعطيــــــس الـعــاااااافيـه يابنت الـــــعــم




مـطيــريــــــــه

رد: عز الله اخطا من مسميك رجّال.!
 

مروركـ الاروع ياخوووي ..

يعافيج والله يالمطيريه ..

رد : عز الله اخطا من مسميك رجّال.!
 

صح لسان شاعرها او شاعرتها ولا هنت اختي فزولها بنقلك لها الى منتدياتنا وصراحة ردت على هالمتغطرس وبكل قوة..

أبن مصاول

رد : عز الله اخطا من مسميك رجّال.!
 

صح لسانك وسلمت يداك وبيض الله وجهك لى هذه القصيده الجزله والشامخه في معانيها روعه في الصور شموخ وعزه في ابياتها


وصول للمطلوب بشكل جميل هدف في مرمى المتلقي

روعه روعه




تقبلي مروري