منتديات الموازين الرسميه - قصيده .. الشعر غيمة .. والمطر كنه حروف

منتديات الموازين الرسميه (http://www.almouazeen.com/index.php)

- منتدى شعراء قبيلة مطير (http://www.almouazeen.com/forumdisplay.php?f=109)

- - قصيده .. الشعر غيمة .. والمطر كنه حروف (http://www.almouazeen.com/showthread.php?t=33859)

قصيده .. الشعر غيمة .. والمطر كنه حروف

بسم الله الرحمن الرحيم
نبدأ ....

الشعـر غيمـة والمطـر كنّـه حـروف=
وآذاننـا صـحـراء ذبحـهـا ظمـاهـا

ضجّة رحى بعض القصايـد ولا نشـوف=
منهـا فوايـد.. كـود ضجّـة رحـاهـا

الشعر سَبْـك وحَبْـك تاريـخ معـروف=
ماهـي بضـاعـة سهـلـةٍ مشتـراهـا

الشعر ماهـو درب... دروب و صـروف=
انشـد وتلقـى مـن يـدلّـك عـلاهـا

ماهي بكيفك رصّة حـروف و وصـوف=
وانتـه مضيّـع أرضهـا مـن سمـاهـا

ياللي تبي تكحـل عيونـك بـلا خـوف=
كحلـك لهـا يمكـن يسـبّـب عمـاهـا

وشلون حجّك يكتمـل دون ماتطـوف..؟=
وشلون توصـف حاجـةٍ مـا تراهـا..؟

تدري وش أسوي ليا شفت لي ضعـوف=
تشري قصايـد نـاس باعـت حياهـا..؟

آقف.. واناظر.. واصفق كفوف بكفـوف=
وارجع وافكّر.. هالبشـر وش دواهـا..؟

متى على الله يصلح الحـال ويـروف..؟=
وذيك الصحاري ترتـوي زلال ماهـا..؟

تبغى الحقيقة .. باختصار.. وبلا كلوف..؟=
قـدر الرجـل فـي كلمـتـه لا حكـاهـا

،’

للشاعر / عادل الدويحاني

http://store3.up-00.com/Sep10/Eri98790.jpg

.
.