وطنًا وطنًا من عداه احتميناه=من جدودنا ماعن وطنًا نتخلا
وطنا السعوديه بالأنفس فديناه=محصًن بفضل الله من كل علا
بعد وحًده صقرالجزيره وسمًاه=صعد سلم المجد بثبات وتعلا
ودستوره القرآن والسنه رداه =وحكامه آل سعود زبن المجلا
لحكامنا آل سعود عهدٍ عطيناه=وشاهد علينا الله عز وجلا
لونموت جوعا عهدنا ما نقضناه=فريضه علينا واحبٍ ما يخلا
وطنًا وطنًا كم عميلٍ تمناه؟=لكن من تلاحمنا يهاب ويذلا
ليا عاد ابو متعب معافى وشفناه=سعدنا وهو درع لوطنا وظلا
هلا مرحبا ياقائد الشعب حياه=بك الطفل في مهده تحرك وهلا
يسار الوطن شرقه وغربه ويمناه=رجالٍ كرامٍ عهدهم ما يحلا
يحبون قادتهم هوى الابن لآباه=وطاعة ولاة الامر واجب وملا
خليج السلام ايران تحشد وتبغاه=تحاول بشيعتها تسود وتولا
خمينيةٍ طمعوا بعد طردة الشاه=روافض مخططهم بخبثه تجلا
لزوم الحذر منهم لزوم نتوخاه= تجلًت نوايا الفرس حقدٍ وغلا
مؤسس وطنا ياعسى الخلد مآواه=ومنزاله الفردوس ليت ولعلا
بنا مجد وأكمل سيرة الباني أبناه=ملوكٍ من فعول الوفاء ماتملا
هلا مرحبا بلي شهور نتحراه=هلا مرحبا بك يابو متعب وسهلا

الشاعر حمود العتيبي
كفيت و وفيت ياصاحبي
وصح لســـاااااااااااااانك ملايييييييييين وخادم الحرمين يستاهل و وطنا الحبيب يستاهل وأنت كفو يالذيب
نص جزل ومميز