لو نقول الطول عز القصر ما عاب الحراير=كل ماطال النظر منْهنْ يجر الابتسامه
لاتقول أنا صدفت أم الدغادغ والظفاير=وانعميت وصابني خفخاف من زرقاء اليمامه
أشهد اني من سهم رمش الخطيره صرت حاير=لو نويت اطق ساق بساق صعب الانهزامه
درتها منا ومنا وانهبلت وصرت أخاير=وثقلت مفتولت الخصرين نبراس الوسامه
قلت لن مسيتها بالخير هلًيت العباير=وان رجعت لشغلة الجوال مايخدم نظامه
خيرمن عزف التهور طرق شيء من البصائر=التزام الصمت والتلويح باطراف العمامه
يوم شافتني هجدت أخذتْ تلفلف بي دوائر=ذهنها صافي وأنا ذهني مشوش باهتمامه
قلت يابنت الحلال اشتشربين من العصاير=قالت الخربز يناسبني وأنا نونه ولامه
ماتعرف الخربز قليًل وجوده فالحفاير=تقضمون من المضير الصلب والشاهي يدامه
واستثارتني بحلو الحكي قلت أنتي مناير؟=وإنثنت حنيت خجل قالت وأنا فوقي لثامه!!
الله الله آه بعض الحكي مفتاح السراير=الله الله آه ياحفل الثقافه بالثمامه
التقيناا في أسعد اللحظات وأسدلنا الستاير=يامدبًر سهًل أمر موفقٍ حلمه مرامه

ماتعرف الخربـز قليًـل وجـوده فالحفايـر ---- تقضمون من المضير الصلب والشاهي يدامـه

صح لسانك اخوي حمود قصيده جميله جدا غلب عليها جانب الطرفه أعجبتني فعلا التنويع في اساليب الشعر مطلوب لكي لا تطغى الرتابه والتقليديه عليه
دمت بخير

المشاركة الأصلية كتبت بواسطة ساكب الحرف (المشاركة 442636) ماتعرف الخربـز قليًـل وجـوده فالحفايـر ---- تقضمون من المضير الصلب والشاهي يدامـه صح لسانك اخوي حمود قصيده جميله جدا غلب عليها جانب الطرفه أعجبتني فعلا التنويع في اساليب الشعر مطلوب لكي لا تطغى الرتابه والتقليديه عليه دمت بخير

المشاركة الأصلية كتبت بواسطة أبن مصاول (المشاركة 442683) مميز يا أبو راكان ..وتستحق هذه القصيدة ***** نجوم لروعتها وقوتها والله يعينك على الخربز ياحمود هههههههههه وهالأشكال ما تاكل المضير ولا عمرها شافته . أعجبت كثيراً بالقصيدة وصح لسانك يا مبدع .. الخربز=الشمام