منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر / صالح بن عمار (http://www.almouazeen.com/forumdisplay.php?f=148)
-   -   البكره الضايعه ... وصداها...! (http://www.almouazeen.com/showthread.php?t=36158)

صالح بن عمار 07 - 11 - 10 11:02 PM

البكره الضايعه ... وصداها...!
 
لسلام عليكم ورحمة الله وبركاته
أسند لي الشاعر : صابر آل مخلص اليامي هذه المزيونه...
والتي يسأل عن قصيده قام بنقدها وقامت الإداره بحجبها بناء على طلب شاعرها
:
:


ضاعـت البارحـه بكـره عليهـا وســوم=قيدهـا محـجـلٍ والخـشـم فـوقـه خـطـام
بأنشـدك ياولـد عمـار عـن ذي الـردوم=رد لـي علمهـا لـو كــان عـنـدك عــلام
لا بتـك تكـسـب الطـالـه زحــولٍ قــروم=فـزعـة الــذود ردوهــا بـحــد الـحـسـام
وقسمهـم مأخذينـه مـن خيـار القـسـوم=وأنـت والله ونعـم وخوتـك لــي وســام
يـا رفيـقٍ صـدى ذكـرك تعـدى النـجـوم=شـاعـرٍ تكـتـب بـيـوتٍ عـلــي الـحــرام
إنهـا مـن جـزال الشـعـر وانـهـا تــدوم=ومـن سمـع مـا كتبتـه قـال هـذا الكـلام
وبكرتـي الضايعـه يـا جعلهـا للطـمـوم=دام وسمـي عليهـا والوسـم وسـم يــام
وحـقـنـا ماخـذيـنـه بالـقـنـا والـسـهـوم=وضربنا لي تعدا الرأس مأخطى العظام
شـاهـده كــل هـيـه شـاهـده كــل قـــوم=ومـن حربـنـا فعيـنـه لسـهـر مــا تـنـام
وجـارنـا مــا نخليـهـا تجـيـه الـسـمـوم=ومن وزى اللابه الظفران ماهـو يضـام
والخـوي السنافـي لـي بـدا لـه لــوزوم=حاجتـه بـإذن رب البـت تقّضـى شـمـام
وفي النهايـه يابـن عمـار جتـك العلـوم=موضـحـه بإختـصـار واخــذه بإحـتـرام
وضايعتنـا تسـام ومــن بغـاهـا يـسـوم=والقمـر نـوره يقـدي البـدو فـي الظـلام





:
:
وهذا الرد
:
:
:



يامـدوّر ينـادي لـي بـروس الـرجـوم=أنتظـر للخبـر لـو طـال فـيـك المـقـام
بكـرةٍ مرتـك مـاهـي بـلـك لــو تـلـوم=ولا لكـم حـق فيهـا لايطـول الخصـام
لاتعـرض حـلال القـوم مانـت معـدوم=وانت عندي حقوقك دوم ذروة سنـام
يـوم صابـر ينـادي كــل ليـلـه ويــوم=ياصلـك علمهـا عبـر القريـحـه لــزام
لـك مقـام المعـزه والكـريـم محـشـوم=طبعنـا مـا نعـز إلا الـرجـال الحـشـام
وانـت مـن لابـةٍ وقـت الملاقـا تــزوم=تقهر الخصـم لـو الخصـم حيّـد وزام
يـام مـن جدهـا الاول تضـد الخصـوم=فوق سرد الرمك بين القنـا والسهـام
ياعمـيـلٍ نـعـرفـك فـالـلـوازم عـــزوم=مـانـدور بـدالـه فــي نـهـار الـزحــام
يشهـد القـاف لامـنـك طرقـتـه يــروم=كنهـا مـع فكـر صـابـر يجيـهـا هـيـام
تهتوي لك وقاف الشعر لجلك يشـوم=ومن قراء قاف صابر يعرفه ليه شام
والمعاني يابن مخلص طيـورٍ تحـوم=وانت تاجر وطير العز في الجو حـام
جاك علم المطيري مثـل حـرٍ صـروم=هدتـه تشفـى اليمنـى وروس الـكـرام
لابتـي مـن مواقفهـم تــزول الهـمـوم=فعلهـم خلـدة مـجـد الـرجـال العـظـام
خصمنـا لاتلومـه لـو يطـش الـهـدوم=يعرف انه لا جاء وقت الملاقـا عـدام
في مطير استوى قاف المثايل خـدوم=لابــةٍ للشـعـر هـامـه وغـايـة مـــرام
جارنـا ننثنـي دونـه بلـطـم الخـشـوم=والعوانـي لهـا حـق الـوفـاء بالتـمـام
وانـت ياللـي تـدوّر بالسفـر والقـدوم=طيع شوري بلاش من التعب والزيام
هـاك قـافٍ كمـا فنجـال بــنّ محـكـوم=بعد حمسه علـى جمرالشعـر بالنظـام
جاك مني صدى قافك بعـرف مختـوم=ومـن يـرد السـلام نـرد لــه بالـسـلام

مواعيـ سراب ـدك 07 - 11 - 10 11:07 PM

رد: البكره الضايعه ... وصداها...!
 
صح لسان الشاعر .. وصح لسانك يصالح على الرد

ويعطيك الف عافيه .. دائما مميز بقصايدك عسى عمرك طويل

بنتظار كل جديد منك

أبن مصاول 08 - 11 - 10 02:08 AM

رد: البكره الضايعه ... وصداها...!
 
الشاعر المبدع دوماً وأبداً صالح بن عمار صح لسانك وصح لسان اليامي , وقصيدتين قويتين وأرتقت الى ذوائقنا بلا شك فشكراً لكما وصحت السنتكما

راشد العبداني 08 - 11 - 10 02:33 AM

رد: البكره الضايعه ... وصداها...!
 
صدى وصوت مبدعين بحق

صح الله السنتكم

حمود العتيبي 08 - 11 - 10 09:58 AM

رد: البكره الضايعه ... وصداها...!
 
صح لسان المري

وصح لسانك ياصالح

نظم دقيق على معنى نظم شاعرين لهما ثقل ابداعي

مشكووور ياصالح على النقل لاهنت

ابن الشاعر 08 - 11 - 10 11:01 AM

رد: البكره الضايعه ... وصداها...!
 
صح لسان الشاعر / صابر آل مخلص على هالقصيده
.
وصح لسانك يابو ريان على هالرد الكافي والوافي
وعز الله شاش راسي معها يالقرم
لك الود ياصاحبي
.

ملكة القوافي 08 - 11 - 10 12:51 PM

رد: البكره الضايعه ... وصداها...!
 
صح لسان الشاعر صابر آل مخلص اليامي وصح لسانك أخوي صالح بن عمار

عبدالمجيد الظويفري 08 - 11 - 10 08:14 PM

رد: البكره الضايعه ... وصداها...!
 
صوت وصدى من الوزن الثقيل

صح لسسسانك يابن عمّار


رد وافي يالقرم



وصح لسسان صابر اليامي



تحياتي

ماجد محمد القحم 08 - 11 - 10 08:35 PM

رد: البكره الضايعه ... وصداها...!
 
صح لسانك يابن عمار رد وافي وشافي
...وصح لسان اليامي ..والله يطول بعماركم
...تقبل مروري


الساعة الآن 06:44 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها