منتديات الموازين الرسميه - شــبــيــه الــــريـــــم. للشاعر محمد بن سند بن مصاول

منتديات الموازين الرسميه (http://www.almouazeen.com/index.php)

- الأشعار المنقولة لشعراء الموازين (http://www.almouazeen.com/forumdisplay.php?f=92)

شــبــيــه الــــريـــــم. للشاعر محمد بن سند بن مصاول

القلب يامتعب همومه كثيره = وزودُ همومه حب جالي ثناياه
كواه حب اللي نهوده صغيره = اللي كما صبر الزبادي شفاياه
ريانة بالعمر ماهـي كـبيره = دقاقة المثناه واللبس تزهاه
مربوعة بالطول ماهي قصيره = راع الهوى قلبه تبين خفاياه
تشبه لـريمً جافل مستذيره = الريم مثله والحبيُب حلاياه
اووصف صفراً شعشعت للمغيره = مهرة عقيدٍ تفعل الطيب يمناه
وجدي عليها وجد من ضاع طيره = هدُه قبال الليل واقفا وخلاُه
او وجد جمُـال تثوىُ بــعـيره = بأرض خـــلا بالقيض والجو مضماه
جاته صواديف القدر في مسيره = ذيبه عوى والموت قربُ مطاياه
على وليف يوم يـكحل نظيره = كن العواجي وسط عينه بشلفاه
يقتل نظرها بالسهوم الخطيره = سبحان رب صوره ثم سواه
والحب للخفرات مابه معيره = حب الشرف للبيض مافيه مزراه
راكان قدمي قد قصد في عشيره = شيخ الشيوخ اللي فعوله امُضاه
ولا يبري الـمـجروح كثر تعبيره = ولاكل قصُاد يحصُل مناياه
وانا بديره والحبيُب بديره = والبعد ينحاني وياسعود ينحاه
عهدي بخلُي في شمال الجزيره = واليوم مدري وين وجُه بممشاه
يجي من المنشا مزونه غزيره = يسوقه الله يم داره ويقداه
والحب لاهل الحب صافٍ غديره = على النقا والطيب ما وصُخوا ماه
من خلقة ادم ما تبدُل بغيره = كلً على جنسه يجيله وينصاه
وأن ما حصل لعل فالأمر خيره = نصبر بحكم الله وندله وننساه

الشاعر/محمد بن سند بن مصاول بن مدلج