|
( يابــــــــــــــــوي لاتزعل )
_ هذه القصيده قديمه وانا تقريبا بالثانويه طلب مني والدي امرا فلم أأت به بالشكل المطلوب فلم استطع اخباره فكتبت هذه الابيات تعبيرا له عن الموضوع ووعدته, ان شاء الله اني وفيت.....
يابوي لاتزعل من الحر لاطار = وعود بعد ماطار ماجاب صيده _ ان شاء الله ماخلف ضنه ولا اعقب دربه ....يهد مره ثانيه وقت الامطار = وينومسك طرد الحبارى وجيده الحر حرن يعرفه كل صقار = ويفخر به الصقار في كل عيده والحر دايم منزله عالي امتار = مايقرب الهزلات واللي تبيده ماخالفك حرك ولا جابلك عار = ولامهزلك عند النشامى بقيده وان كان ماعيت ظروفه والاقدار = يبي يجيب اللي تبيه وتريده عبدالاله خــــاتم القحم |
رد: ( يابــــــــــــــــوي لاتزعل )
صح لسانك يابن خاتم وقصيدة جزلة
لاهنت على القصيدة ... |
رد: ( يابــــــــــــــــوي لاتزعل )
صح لسانك ياعبدالاله وانت حر من ماكر أحرار
|
رد: ( يابــــــــــــــــوي لاتزعل )
صح لسانك أخوي عبدالإله على هذه القصيدة الجميلة التي جاءت في مناسبتها
لفت إنتباهي : والحر دايم منزله عالي امتـار مايقرب الهزلات واللـي تبيـده؟؟ لو قلت: والحر دايم منزله عال الأوكار ما يقرب الهزلات...الخ وصح لسانك 1000 ولا تحرمنا من جديدك أبن مصاول |
رد: ( يابــــــــــــــــوي لاتزعل )
بيض الله وجهك يابن خاتم على هذه القصيدة
وعزالله ان ابوك يستاهل كل علم طيب نعم الرجل خاتم بن عميش أبو عبدالاله ابن مدلج |
رد: ( يابــــــــــــــــوي لاتزعل )
صح لسانك يابن خاتم
ويستاهل ابوك ونعم والله |
رد: ( يابــــــــــــــــوي لاتزعل )
صح لسانك يبن خاتم ونعم الابو خاتم وبالتوفيق
|
رد: ( يابــــــــــــــــوي لاتزعل )
صح لسانك يابو خاتم
وانت حر ولد حر ويستاهل الناموس ابوك |
رد: ( يابــــــــــــــــوي لاتزعل )
_ صحت ابدانكم ويعطيكم الف عافية... ابن مصاول ملاحضتك في محلهالكن المقصود مسكنه الاصلي الجبال وتوضيفي لموقعه انه من العزه والنزاهه دايم فوق ماينظر لموقع يمكن ان يطيح به.....
|
رد: ( يابــــــــــــــــوي لاتزعل )
ماخالفك حرك ولا جابلك عـار
ولامهزلك عند النشامـى بقيـده وان كان ماعيت ظروفه والاقدار يبي يجيب اللـي تبيـه وتريـده صح لسانك ياابن العم كفو كل ابيات القصيده وانشاءالله ان البيتين اعلاه من قصيدتك قول وفعل تقبل مروري واعجابي وتحياتي لك وللوالد الله يحفظه |
| الساعة الآن 02:34 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
