منتديات الموازين الرسميه - الليله الفرحه تعم الجماهير

منتديات الموازين الرسميه (http://www.almouazeen.com/index.php)

- ديوان الشاعر عبدالرحمن بن غلاب (http://www.almouazeen.com/forumdisplay.php?f=97)

- - الليله الفرحه تعم الجماهير (http://www.almouazeen.com/showthread.php?t=18675)

الليله الفرحه تعم الجماهير

هذه مشاركتي في احتفال قبيلة عتيبه في العام الماضي عندما تنازلو قبيلة الزعوب عن قاتل ابنهم وقد اقمت امسيه مع نخبة من الشعراء وهذه قصيده خاصه بالمناسبه0

الليله الفرحه تعم الجماهير = وتعم كل الي سعو بالقضيه

مادام تم الصلح منكم على خير = ملزوم اشارككم لزومٍ عليه

وافرح لفرحتكم واسوق التباشير = والي على العتبان كنه عليه

ترا ولدكم نحسبه ولد لمطير = والشك زايل قبل هذي وذيه

واقول للزعبي زبون المخاسير = انتم هل الوقفات صبح وعشيه

وقفاتكم بالطيب تفرق عن الغير= وعزومكم بين النشاما قويه

انتم هل الوقفات وقت المقادير= وانتم رجال الطيب والشاذليه

وانتم لكم قصة فخر شكلها غير= يوم إن كلٍ يلتفت في خويه

انتم حميتو جاركم يالمناعير = دخيلكم عايش بعيشه هنيه

تشهد لكم حدب السيوف البواتير= وتشهد لكم بالطيب كل البريه

واليوم عبرتو عن الطيب تعبير = اعتقتو الجاني بليا جزيه

الله يعوضكم ويكتب لكم خير = والاجر من رب السماء والبريه

والليله الفرحه تعم الجماهير = وختامها مني سلام وتحيه