الله ياحلو الصدف بعض الاحيـان=تسوى سنين العمر عرضه وطولـه
والصدفه اللي جابتك دون عنـوان=معروفهـا مانسـاه والحـق اقولـه
(يافاتنه) ياريـح مسـكٍ وريحـان=انتي ربيع العمر واجمـل فصولـه
يـاوردة مـا قدروهـا بالاثـمـان=انتي غرام القلـب وانتـي ميولـه
واللي هوى شرواك ماهوب ندمـان=واللـي سواتـي مايحـب بسهولـه
تكرم عن الزله وعن كـل نقصـان=ياقمـة العقـل ..وبـرأة طفـولـه
جيتك غلا..جيتك وله...جيتك اجنان=مدي لي اكفوف الوصل ياخجوووله
تكفين ضميني بصـدر والاحضـان=بنسى الزمان اللي مضى لي وهوله
يابنت حماي الزمل ذرب الايمـان=ابن الرجال اللـي تبيـن فعووولـه
ملكتني بالحـب والحـب سلطـان=و علمتني فنّ الغـرام وأصووولـه
قبلك تزاحم بـي حبايـب وخـلان=وانت الوحيد اللي كسبت البطوولـه