خير الكلام ومبتدى العلم واسماه=احمدك واستغفرك ياخالق الكون
سلام يااللي شرف الله مزاياه=مايرضى باالهين ولايقبل الدون
عامين لاراسل رفيقه ولاجاه=واناانشد اللي من دياره يمرون
عهد الاخوه مستحيل إني إنساه=إن مت في قلبي وإذا عشت مامون
من يقصد آل النعم غنم قبل منصاه=لن الحياه اسلاف والطيبه فنون
عبدالله المميزاني اليوم بشراه=تبري جروحن داخل القلب وطعون

ورديت عليه واقول
يامرحبا ترحيبة ن جاههاجاه=مثل البحر والدر فاالبحر مكنون
الليل طول ياعيوني عيوناه=سهرت وانا للسهر مامعي لون
لكن لاجا للقصايد مجاراه=خليتها جمره على راس غليون
وسعيد جعل الله يحفضه ويرعاه=شاعر وعنده فكر راقي ومجنون
يرسل علي من العتب والتشراه=مع إنه مقصر بحقي ومديون
ابطى علي وقلت وشلو بلقاه=وجلست مع نفسي وفكرت وشلون
ولقيت رقمه ثم دقيت الوهاااه=انته سعيد الشاعر اللي يقولون
قال ايه اناقلت ونعم قال ماذاه=من انت صوتك ماعرفته من تكون
قلت آه مدري ليه لكن قلت آه=قال العذر نسيت والناس ينسون
انافلان من الرجال المسماه=عاداتهم عند المواجيب يثنون
قال إيه توإني عرفتك ماشااللاه=ابطيت قلت الناس يبطون وايجون
نبطي ولاننسى الخوي والمخاواه=وياكثرهم غيري من الناس يوفون
حق الصديق إنا نصونه ونرفاه=إن جالنا مصيون وإن راح مصيون
وإن حدته سود الصواديف جيناه=نعين ونعاون وحنا ذوي عون
إخذ الكلام ولاتنشد عن اقصاه=امون وانت تمون وتمون وتمون
وإن عاد زدت من العتب قلت لك ياه=ماهي على هامان يااستاذ فرعون