منتديات الموازين الرسميه - تريـــــث ياصـــــدى صوتي______

http://www.gulfup.com/file4/12778604311.jpg

تريّث ياصدى صوتي وخفف نبـرة الأحـزان
تعلّم من نزيف الجرح كيف اصبر على همـي

أنادي والسما غيمـة تثـور بداخلـي بركـان
ودفتر من قصيد الأمس على جال البحر مرمي

سكنتك بيت يكبره وشكلّـت بسمـاك ألـوان
شربتك كاس بيديني وآثاري ألكاس من سمي

دخيلك جامل الدمعه!! ترا مهما أكون أنسـان
مشاعر قلـب تحكينـي وأزود حبرهـا دمـي

كرهت البيت بغيابك ! كرهت الباب والجـدران
ليا من شفت لك صورة تنسينـي حنـان أمـي

أبرحل وأترك الماضي وأجدد حاضر العنـوان
ابجمع من شتاتي قلب واسافر في بحر غمـي

تصور لو نساني الكون وصرت بعالم الحرمان
أناديلك .. واصوّت لك .. ولاحتى تلـدْ يمـي

ابي لو ساعه من وقتك . أنا ماقلت أبيك ازمان
أبيك العاشق المغـرم علـى قلبـي ومهتمـي

أبيك تعيشني قصة ! بطل خاين وأنا الخـوان
أبي كل البشر تحكي وتتسابـق علـى ذمـي

على هونك ظلام الليل!! أشوف الليل ماقد حان
علامك تلوي ذراعي !! تبعثر فينـي وتلمـني

حرام تشوف دمعاتي وتنسى أني بقايا أنسـان
أحاول اجمع شتاتي وعجزت اليوم فـي لمـي

حبيبي لو تبي ابعد وأعانق دفتـر الكتمـان
تعال احضر عزا قلبي مادام الشـوف منعمـي

تصور ما بقا فيني سوى باقـي رمـد بركـان
ودفتر من قصيد الأمس على جال البحر مرمي

-- مما راق لي--