صدفه وانا جالس لها رافـع الـراس.=قامت مزون الفكـر تنثـر مطرهـا.
اثعولها صبت علـى كبـد قرطـاس.=تباشرت فيهـا العـروق وشجرهـا.
اغصون ودي حالها عقـب الايبـاس.=لانت مـن الواابـل وفتّـح زهرهـا.
حايم بقلبـي قايـد الـود بإحسـاس.=حوّل على الفكـره يرسّـم صورهـا.
من واقعٍ بالحب دقـن لـه اجـراس.=دقـن بـروحٍ جَـدْ ودْ وعسـرهـا.
بوصافها غنيت واتعبـت الاخمـاس.=على جبين الطـرس شايـل بحرهـا.
الجادل اللـي حسنهـا حيـر النـاس.=ياكبـر حـظ اللـي بعينـه نظرهـا.
العين ظمـت لآيـة الليـل بنعـاس.=واهداب عينـه بالمخاطـر شهرهـا.
كنّه يهـدد ضامـي الحـب بأتعـاس.=والنفـس مـن سلهامتـه ياقشـرهـا.
يسل نظـراتٍ مثـل حـد الامـواس.=لين القلوب الخضر تشكـي سهرهـا.
تشكي سهومٍ بالخطر تضرس اضراس.=تطرح ضحيتهـا وياصـل خبرهـا.
دم الشهيد مخالطـه كـادي انفـاس.=يحكم مجال الزيـن نثـرة شعرهـا.
قطعة ظـلام بليلـةٍ حالـك ادمـاس.=وشع البـدر بيـن الجبيـن وثغرهـا.
ضحكة ثمانه كنهـا لـول والمـاس.=تآخذ مـن بـروق الليالـي سحرهـا.
العنـق شبـر ام الثلاثيـن مقيـاس.=ومازاد عنهـا زاد زيـن وغمرهـا.
داعبتها باللطف مـع كـل نسنـاس.=كـن القمـر ساكـن بغـرة نحرهـا.
يامهـرةٍ ماساسهـا كـل ســواس.=ولا روضـت سبحـان ربٍ فطرهـا.
ودعتها واقـرا عليهـا مـن النـاس.=من شر خنـاس الجنـون وبشرهـا.

روعه وصح لسانك أخوي صالح بن عمار