منتديات الموازين الرسميه - الشاعر نايف غايب المريبيط ومشاركته في الحلقة الثالثة من ( شاعر العرب )

شارك الشاعر المعروف نايف بن غايب المريبيط الميزاني في شاعر العرب يوم الخميس الماضي في الحلقة الثالثة وبين مجموعة مكونة من 12 شاعر آخرين .

والشاعر نايف بن غايب شاعر معروف واعلامي يشغل حالياً إدارة قناة فواصل الشعرية كذلك يرأس تحرير مجلة أوف سايد وله تجارب شعرية واعلامية واسعه .

أعرب الشاعر عن ثقته وتشرفه بالمشاركة في مسابقة مهمة سبق أن شارك بها
عمالقة شعر مثل الخس وابن جدلان والهاجري وجزاء صالح وشبيب غزاي غيرهم من شعراء .

هذه مشاركة الشاعر , وقد حصل على اشادة على ارتفاع شاعريته وتمكنه من أدواته الشعريه :

http://www.youtube.com/watch?v=nymbOn3SLLY

وهذه القصيدة كتابيه منقوله من الشاعر الذي هو أحد أعضاء هذا المنتدى

الشعـر دربٍ خذانـي ليـن ودانـي
ابعد مسافات مـن كونـي وتكوينـي
وقفت في شرفته وأوجست خذلانـي
وأخذت أحسّب خساراتي من سنينـي
لقيتني ما ربحت إلا صدى أحزانـي
وآمالـي اللـي تبعثرهـا عناوينـي
وحلـمٍ خذانـي معـاه ولا تحرانـي
عند اقرب أول محطة غاب عن عيني
وعـوّدت بالذاكـرة لأيـام خلانـي
وأصحابي اللي رووا بـزلال كفينـي
ومرت عليّ الوجيـه اللـي تمرانـي
وقمت افرز أشكالهم وألعن شياطينـي
يا كثرهم وقـت حاجتهـم لميدانـي
ويا قلّهم بعد ربحـوا مـن ميادينـي
والصاحب اللي نبت ريشه بجنحانـي
وقت الهدد بار صيد القـوم بيدينـي
ما يدري انه خفيف الريش ما أشقاني
ولا نوّخت في حراه اهزل بعارينـي
الطيب روضٍ عليه أسسـت بنيانـي
والمجد انا ابنيه والنومـاس بانينـي
يوم إن غيري مناه يشوف حقرانـي
انا اعترف في نجاح اكبر معادينـي
ما عشت دور الضعيف ولا تعدانـي
إلا حصـانٍ بطمـراتـه يحاليـنـي
ورفيقي اللي علـى الهقـوة تمنانـي
يبشر بعزه لو أنحـر لـه شرايينـي
على جزال العطايـا ابـوي ربانـي
الله يرحـم عظـام اللـي مربينـي
والحاسد اللي مع الغبشـة تقهوانـي
من مره اسمي شرق بأول فناجينـي
ذكري ليا جا يقـوم بـدور نيشانـي
وان غاب ذكري تمني يـا سكاكينـي
والشعر خيلٍ عليه أسرجـت قيفانـي
اعطيه جهدي ولا انطر ويش يعطيني
بنيـت قصـري بمشرافـه وبيبانـي
عليه وسمي مثـل وسـم البعارينـي