عذرى خجوله
اسمحوا لي وابكتب قصتي في سطور = تجربه عشتها في صمت ما املها قالوا الناس قبلي في قديم العصور = اعذب الحب يتعب روح يوصل لها والحقيقه بداياتي جهلت الامور = اتبع النفس في ما تحب عطفاً لها طفت كل البراري عمت كل البحور = روحي ارقا بمطلبها ولا اذلها لي عيونٍ شقيه 00 لي قلبٍ غيور =لي طموحات كثر الشوق محتلها سيرتي بالغرام سنين ماهي شهور = مالقيت بحياتي شخص يفهم لها غير عذرى خجوله ماتحب السفور =الحيا طبعها والذوق في دلها من صفتها التواضع ماتحب الغرور =لامشت تمشي الغيمه على ظلها خاتمة مسك صارت بالخلايا بخور =ادمنت بالعروق وصرت مدمن لها هذي العشره اللي مثل نبت الزهور = كل قطرة ندى من فكري تبلها |
رد: عذرى خجوله
صح لسانك يابو ماجد وبيض الله وجهك على هالابيات الطيبه الى ماتجي الى من طيب
ماقصرت ويعطيك الف عافيه .. وبنتظار كل جديد قادم |
رد: عذرى خجوله
شامخه هالقصيده يابو ماجد
جزل وماتجيب الا الصافي بيض الله وجهك وصح لسانك حتى ترضى ياصاحبي . |
رد: عذرى خجوله
راع الوفاء
صح لسانك امتعتنا بهذه العذبه الحلوه دائما قصائدك جزله وارى ارتقاء متتالي في رتم طرحك الشعري موفق يالغالي |
رد: عذرى خجوله
صح لسانك أخوي راع الوفا
|
رد: عذرى خجوله
صح لسانك راع الوفا الله يعطيك العافيه
تحياتي لك |
رد: عذرى خجوله
الله عليك يابو ماجد
صح لسسسانك ياكبير تواصل لسلسله من أبداعاتك تحياتي |
الساعة الآن 04:10 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir