ذعذع الغربي وجدّد في خفوقي ذكرياته = واحسبٍ مال الهوى بعد (الفراق ) اية وسيله
حسبي الله عد من صام وعدد جمع حسناته = فآخر ليال العشر مع ليلة القدر الفضيله
وعد مانعطى قسيمه فالبلد بأربع جهاته = لين من فعل القسايم ضيّع الساعي حصيله
ما عن المسرى مصد اليا لقى قلبي طراته = اربط حزام الامان ليا سريت مع الدليله
وقولو لساهر لو انه راكزٍ لي كيمراته = ويتقنص واحدٍ رجله على بنصه ثقيله
مادرج جنط كفراته لجل نآوي بكفراته = حالفٍ انه ما يتعدى موترٍ ورّد مديله
خله وعله لو انه كاثرات مخالفاته = نص راتبنا يروح بحظ ميزانٍ يكيله
مالنا ومال الطويله !! واللهم لا شماته = ارجع لمحور حديثي والذي ( قلناه شيله )
قبل ندخل في متاهات الزمن ومعوكساته = بارك الله فالقلم والخير في صانع مزيله
وزي ماقلنا وذكرنا ما رحمت محركاته = لو فالسرعه خطر وايامنا ماهي طويله
الرجل من أجل حبه قد يضحي في حياته = يتفق معنا اناس وفيه ناسٍ مستحيله
المهم انا اتفقنا والبشر كلٍ وذاته = اتفقنا ان الهوى ما يرحم اللي يستويله
كان بالامكان ترحم لا تسويبي سواته = هندسة بعض الجروح مربعه والمستطيله
انت تدري بأن شوفك للمريض مسكناته = زي ماتدري بأن الصد أحر من المليله
نزف جرحي ما يبا الا دمك اللي من صفاته = ينعش عروقي لو انا كل واحد من فصيله
والسبب قالو لي انه ( ياغلاته !! ياحلاته ) = كان مانت مصدّق وتبغى على هرجي دليله
والله اني احسد الباعوض في بعض حركاته = فوق جلدي لا ركز منقاره وعلق بذيله
يستلذ بدمي اللي من طرفك مكوناته = اعتبرها زي ما ودك ولا فالامر حيله
الهوى خلّف ضحايا وان بغيتو منجزاته = كم جريح وكم كسير وكم قتيل وكم قتيله
الحكايه طوّلت والفلم فأول مشكلاته = المحبه من ثنين ويدخل المخرج قبيله

حي الله شاعرنا المبدع زياد المزرمي ،
سعداء في تواجدك هنا بيننا ،

بخصوص القصيده ،
نهج خاص بالشاعر زياد لا يجيده الا أمثاله،
لله درك من شاعر ،
تأكد أننا ننتظرك بكل شوق ،

احترامي .

المشاركة الأصلية كتبت بواسطة زياد المزرمي (المشاركة 415646) ذعذع الغربي وجدّد في خفوقي ذكرياته = واحسبٍ مال الهوى بعد (الفراق ) اية وسيله حسبي الله عد من صام وعدد جمع حسناته = فآخر ليال العشر مع ليلة القدر الفضيله وعد مانعطى قسيمه فالبلد بأربع جهاته = لين من فعل القسايم ضيّع الساعي حصيله ما عن المسرى مصد اليا لقى قلبي طراته = اربط حزام الامان ليا سريت مع الدليله وقولو لساهر لو انه راكزٍ لي كيمراته = ويتقنص واحدٍ رجله على بنصه ثقيله مادرج جنط كفراته لجل نآوي بكفراته = حالفٍ انه ما يتعدى موترٍ ورّد مديله خله وعله لو انه كاثرات مخالفاته = نص راتبنا يروح بحظ ميزانٍ يكيله مالنا ومال الطويله !! واللهم لا شماته = ارجع لمحور حديثي والذي ( قلناه شيله ) قبل ندخل في متاهات الزمن ومعوكساته = بارك الله فالقلم والخير في صانع مزيله وزي ماقلنا وذكرنا ما رحمت محركاته = لو فالسرعه خطر وايامنا ماهي طويله الرجل من أجل حبه قد يضحي في حياته = يتفق معنا اناس وفيه ناسٍ مستحيله المهم انا اتفقنا والبشر كلٍ وذاته = اتفقنا ان الهوى ما يرحم اللي يستويله كان بالامكان ترحم لا تسويبي سواته = هندسة بعض الجروح مربعه والمستطيله انت تدري بأن شوفك للمريض مسكناته = زي ماتدري بأن الصد أحر من المليله نزف جرحي ما يبا الا دمك اللي من صفاته = ينعش عروقي لو انا كل واحد من فصيله والسبب قالو لي انه ( ياغلاته !! ياحلاته ) = كان مانت مصدّق وتبغى على هرجي دليله والله اني احسد الباعوض في بعض حركاته = فوق جلدي لا ركز منقاره وعلق بذيله يستلذ بدمي اللي من طرفك مكوناته = اعتبرها زي ما ودك ولا فالامر حيله الهوى خلّف ضحايا وان بغيتو منجزاته = كم جريح وكم كسير وكم قتيل وكم قتيله الحكايه طوّلت والفلم فأول مشكلاته = المحبه من ثنين ويدخل المخرج قبيله

قبل ندخل في متاهات الزمن ومعوكساته=بارك الله فالقلم والخير في صانع مزيله

صح لسانك اخوي زياد المزرمي وبيض الله وجهك
وهطول اولي رائع

وسعدنا بانضمامك الى هذا الصرح الشامخ بين كوكبة من المبدعين والنخبويين
وياهلا فيك عداد السيل وريح الهيل
.

المشاركة الأصلية كتبت بواسطة عبدالمجيد الظويفري (المشاركة 415653) حي الله شاعرنا المبدع زياد المزرمي ، سعداء في تواجدك هنا بيننا ، بخصوص القصيده ، نهج خاص بالشاعر زياد لا يجيده الا أمثاله، لله درك من شاعر ، تأكد أننا ننتظرك بكل شوق ، احترامي .