قصيدة مرثيه في الشيخ / سلطان بن قينان الرخيمي رحمه الله
 

الموضوع (سلطان بن قينان للحمل شيال *** مزبان من يشكي الظروف العنيده

قصيدة مرثية في الشيخ / سلطان بن قينان الرخيمي رحمه الله

عسى السحاب الى من عصير سبال *** ويروحوبه صلف الهبوب ويعيده
يسرى ويسريله من الجال للجال *** سيلن يسيلة ديارا بعيده
يمطر على الزلفي له أيام وليال *** عليك ياقبرا سكن به فقيده
بأقصي القبور بفيه العصر لأمال *** وعلامته بين القبور الحديده
قبرا لشيخ يبذل الجاه والمال *** راع الفعول الطيبات الفريدة
شدونزل واليوم له فيه منزال *** خلا اللحد داره ودارن جديده
ياقبر حطوبك هاكاليوم رجال *** وعزالله أنه صار وسطك وليده
سلطان بن قينان للحمل شيال *** مزبان من يشكي الظروف العنيده
عليه دم العين ياقبر همال *** والقلب من حزنه تغذا وريده
ولوراح ذكره ماتغير ولازال *** يبقاء على مر السنين العديده
يالله يامنزل تبارك والأنفال *** ياواحدا تفعل بنا ماتريده
تحط له في جنة الخلد منزال *** يوم الصراط المستقيم ووعيده

الشاعر / سالم بن مزيد المطيري
( الزير )

رد: قصيدة مرثيه في الشيخ / سلطان بن قينان الرخيمي رحمه الله