منتديات الموازين الرسميه - حبك على ( سوق المنايا ) جلبني

منتديات الموازين الرسميه (http://www.almouazeen.com/index.php)

- منتدى شعراء قبيلة مطير (http://www.almouazeen.com/forumdisplay.php?f=109)

- - حبك على ( سوق المنايا ) جلبني (http://www.almouazeen.com/showthread.php?t=41251)

حبك على ( سوق المنايا ) جلبني

الشعر / دمع وذنب وجروح وهموم
الشعر / صوتٍ لا فقدتك كتبني

شفني ثلاث شهور مرت الى اليوم
مقدر اقول الا فراقك غلبني

والنوم وين النوم ..؟؟ يا ( حارس النوم )
و سهر الليالي لجل عينك نهبني

والكاهل اللي بانت بطوله وسوم
كل ٍ على الرفقه بحاله طلبني

ما ابكي علشانك / ولا ابكيك مظلوم
ابكي على يوم ن تركتك نكبني

علمتني كيف الشقا يلبس هدوم
وعلمتهم وشلون ذكرك سلبني

لا مر طاري كيف انا آطيح وآقوم
حبك على ( سوق المنايا ) جلبني

ياليت غيري باع واقدر انا آسوم
لو ان مثلك لا انهدم شي يبني

ادري خسرتك بس حاصل ومقسوم
هذا البخت في شوف غيرك وهبني

خلصت والا باقي ن عندي علوم
وآآلله مدري بس / جرحك عطبني

والشعر هذا الشعر ضيقات وهموم
حتى اليا من طحت بعدك كتبني

سلطان الأسيمر