الجيب من ديرة القصمان سريته
يازين مسراه تال الليل يازينه
من اقصى محطه ورى الاسياح عبيته
لين لنبيرات عداً فل الاثنينه
عزالله انه يشجع يوم سجيته
مع طلعت الشمس حوّل بي على لينه
وضحي على ايسري فيحان حطيته
والسيل اشوفه يسار الخط ويمينه
ومع خشم اعيوج على المركوز هويته
ونوام وقت الضحى مافتحت عينه
وليا قضيت اللزوم الظهر رديته
وان يسر الله شعيب السهل ممسينه
اما تقهويت به والا تعديته
على مزاجي وعفش البر حاسينه
الشاعر / ناصر هوشان الزنغوب