بسم الله الرحمن الرحيم
هذه القصيدة اغضبت الكثير لقوتها وحصل مراقبة ومنع لتداولها عبر الاشرطة .
قصيدة تنبض قوة ورصانة وشعرا يستحق ان يكون معلقة الى هذه الرائعة القليل في حقها هذا الوصف بل هي درة في سماء الشعر .
سلام الله سلام مايحـول مـن سمـاه نجـوم
رفيـع مستـواه وهيبتـه مـن دون واجبهـا
يشرفني وانا فـي واجبـه ومسانـده ملـزوم
لـزوم واجبـه والواجبـه مـانـي مجنبـهـا
سلام ماتضيقبـه الصـدور ولاش فيـه ثلـوم
تلبله العقـول اللـي علـى الملـه يخاطبهـا
هبوبه عامـره بالـورد والريحـان واليشمـوم
ونوره كوكب ذري غطـا الصمـان واطربهـا
علي روس الشيوخ مجيرة الخايف حجا المظيوم
صناديـد الرجـال وفعلهـا يثبـت مناصبهـا
حمول الخيل فرسان الملاقـا مشبعيـن الحـوم
مرويـن الرهـاف اللـي مذهبـة مقاضبـهـا
منزحة العدا عوق الخصيـم وسيفهـم ملحـوم
تعـي بنصرهـا لـو كـان طايفـة تحاربهـا
ليا ثار العسام وجاء بريـد المـوت فالحلقـوم
عوايدهـم يعزلـون الجماجـم عـن مناكبهـا
علي محوالهم مثلالصواعق في نحـور القـوم
وتكسـر بـارق القومـان وتشتـت شعايبهـا
وسادوا في الجزيرة قبل حكم الشايب المرحـوم
ويرعون الخطر والخوف في نجـد ومضاربهـا
بهم حم الذرى ترعى نبـات الـوادي الماسـوم
علـي مشهاتهـا شـرق الديـر والا مغاربهـا
ولايخطم عليهـا لان تاخـذ قيسهـا المعلـوم
علي مشهات خطرهـا ونبـت ارض يناسبهـا
تحت سيف الدويش اكبر زعيم القايد الزيـزوم
يقطع روس افاعـي نجـد ويخفـس عقاربهـا
يجر البارق اللي مـا حظـاه الا قـوي عـزوم
عبر شبه الجزيـرة والعـراق افنـا مصايبهـا
وسادة هيبة الدوشان مافالعلـم حـب خشـوم
كواكب مستقلـه فـي سماهـا مـن يواكبهـا
الا يانجد من ماضيك في صحراك نقش رسـوم
ابـا اقبـل رسـوم فيـك تجذبنـي مجاذبهـا
واعيشك يازمان العام ذكرى في زمـان اليـوم
ابذكر مفخرة ماضيك واحضنها واعيـش ابهـا
ابسري تحت شعت نورها ليل الدجـى المعتـوم
تنور لي طريقي فـي مسـاري واستـدل بهـا
وتعـرف يمـه البحـر يالسـاري المنـجـوم
وتنزل بالغروب اللـي تناضـح مـع جوانبهـا
وتبرى عينك الرمدى ويبـرى قلبـك المسقـوم
وترفـى الرجـل وتـدراي عليهـا ماتنشبهـا
تميز فالامور ان كان في بالـك وهـم وهمـوم
ترى ضيم اللحـى واذلالهـا دقمـة شواربهـا
ركـون امجادنـا ماتندثـر وكتابنـا مفـهـوم
على طـول الزمـان وشمسنـا محـد يغيبهـا
ظهر فالعلـم فراعـه وفزاعـه ونفـذ كمـوم
فـزوع ماعرفنـا وش ظرفهـا مـن تعصبهـا
تزاحـم بالمحـازم والليالـي جوهـا مزحـزم
ليالينـا حمـول جمالهـا تكسـر غواربـهـا
والاياليتها تصحى وتكشـف سرهـا المكتـوم
وتصمـت مـا تعاتبنـا وحـنـا مانعاتبـهـا
وياخذ غاية الحق النصيف السايـل المحـروم
زمن لايعـرف المـره علـي الفاقـه يجربهـا
تحت كبد السماء برق ورعد في مدلهـم غيـوم
تمـر الديـره المضمـاه ماهلـت سحايبـهـا
هذا علم وخبر والسر سلكـه فالخفـى مبـروم
تعبـره الثقـاه وتعـبـر الغـبـه مراكبـهـا
بعد ماجابنا صوت المنادي في رحـب واسلـوم
سلـوم الرجـال معروفـه مذاهبنـا مذاهبهـا
كلام الشاعر اللي بالفصاحـه والحكـم ملهـوم
بحر غالي درر وامواج تغـرق مـن يميلبهـا
وانا مثل البشر مااعلم غيوب ولا اخلق المعدوم
لكـن عقـول خلـق الله تميزهـا مواهبـهـا
الشاعر / عبد الله غازي الميزاني
0000000000000000000
اليكم أخوتي اعضاء منتديات الموازين .. قصيدة شاعر مطير ( سوار الذهب ) .. عبدالله بن غازي بن عيد بن صلال القحم الميزاني المطيري.. في شيوخ مطير ..الدوشان ..وهي قصيده مهداه إلى أبناء الشيخ / ماجد بن عبدالعزيز الدويش
المبتدأ بسـم الـذي رفـع السمـاء بـلا عمـاد
الواحـد الفـرد الصمـد ربـي ورب العالمـيـن
أستغفره عن كل ذنب أعـوذ بـه فـي كـل مـاد
جـل جلالـه خالـق الحييـن محيـي الميتـيـن
ألفٍ هـلا وألـفٍ غـلا ممزوجـةٍ مسـك وكـاد
ممـا يشرفنـا ويسعـدنـا وجــود الطيبـيـن
بسم الشيوخ أهل المقام المشـرق الحـي المشـاد
جود وكرم رحب وشهامـة عـز لا مثلـه قريـن
أخوان جـوزاء نـوٌره بنـور اشـاء اللٌـه أراد
الاولـيـن السابقـيـن الوارثـيـن القادمـيـن
مافيـه داعـي للتجـادل والتسـائـل والعـنـاد
في مجدهم في عهدهـم سـادة عـرب متسيديـن
الشرق غير الغرب حتى القـرب غيـر الإبتعـاد
الحاضر اللي يبتسـم باشـراق شمـس الاوليـن
صبح ٍ سقا رمل الصحاري شمس ماسقاها سـواد
تختضر به أوراق الشجر يملأ السماء شوق وحنين
أسترسلت منه الذئاب اصـوات ذعـراً مـن وداد
غنى به الطير وشدا لحـنُ شجـي لحـنُ حزيـن
منه أستنير وبـه نسيـر ونعتمـد كـل أعتمـاد
يابحر مـوج وعاصفـة يابـر أمـان الخائفيـن
يقولها صـدق اللسـان يطولهـا عمـق الفـؤاد
ولايعلـم إلا مـن علـم ولايجهـل الا الجاهليـن
سـلام يادنيـا نبـوة نـوح لهـوة شـهـر زاد
سلام أكابـر مايكابـر صمـت صبـر الصابريـن
سـلام يابـرق السيـوف اللـي تـلألأ للحصـاد
رمضا الصحـاري والجبـال مؤيديـن وشاهديـن
والعاديـات الموريـات ومايُعـد مــن العـتـاد
والراية اللي توجـت بالنصـر لأصحـاب اليميـن
في مهبط الابطـال روؤس أبطـال مجـد لايسـاد
أجن الصقور من الصخور أجن الاسود من العرين
مافيه زنـد بـلا شـرار ولا شـرار بـلا زنـاد
مثل الرضا سيد الحكم والعـرف سيـد العارفيـن
القيـظ يهتـف للظمـأ والعمـر يهتـف للبـيـاد
والقلب صندوق العمـل والحـق نـور المؤمنيـن
يانجد هـل تعلـم وأفدنـا صـدق ممـا يستفـاد
أيش القتال أيش الرحال أيش التلال أيش السنيـن
سؤال وارد غيـر وارد وأنـت أسيـر الاستنـاد
تقدر تجـاوب شاكريـن امٌـا تجـاوب مغتنيـن
الغيمة اللي تشتعـل بـرق ورعـد بنـي وهـداد
براقها يجلـي الدجـا رعدهـا أصحـى النائميـن
هلٌت من السبع الشـداد وعلٌـت السبـع المهـاد
قتلـه عطـش وتقبليـهـا ياقـلـوب الغافلـيـن
كـل الحيـاة مكافحـة وجهـاد مايعنـي جـهـاد
والباقيـات الصالحـات واللٌـه يعيـن المستعيـن