الجد زراقي وحنا زراريق = والناس لنا تعترف وتعرفنا
مثل الجبال الشامخات الشواهيق= ماهمنا صفق الهواء في طرفنا
رجالنا معروف في ساعة الضيق= يكفي عن اللي غايب(ن) من سلفنا
وافعالنا ماهي دعايه وتلفيق= وتشهد لنا وقفاتنا اللي وقفنا
خصيمنا يغشى من الغبن ويفيق= لو يجتهد ماردنا عن هدفنا
ماعمرنا خفنا وعشنا مدانيق = الا من اللي كوّن الكون خفنا
يشهد لنا المعبود رب المخاليق= اللي على تقواه نحيا ونفنا
عندي على الدنيا اطلاع وتعاليق = دنياً يشيب وصفها لو وصفنا
فيها السعاده والعنا والتفاريق = ياكثر ماشفنا بها ثم عفنــا
تبحث خفايا مغلقات الصناديق = وتحدنا وتجدنا وتعسفنا
الشاعر / ناصر هوشان الزنغوب المطيري