اغرب قصة حب في الرياض
يقول بطل القصه
رحت لمحل بيع الكتب المستعمله المكتبه ذي تبيع الكتب الرخيصه
رحت لها وشريت لي كتاب وكان عندي اختبار له في اليوم الثاني
( هذي طريقتي في الاختبارات)
المهم فتحت الكتاب
فتحت الصفحه البيضاء اللي بعد الغلاف لقيتها مكتوبه بقلم حبر ناشف
واضح انه مكروف لين قال امين
المهم
الكتاب طلع لوحده بنت والغريب انه قبل ماتبيعه كاتبه فيه الكلام هذا:
أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة
وانا ماكتبت الكلام هذا الا من القهر ... وعندي احساس انك بتقدر ظروفي كونك مثلي عايش نفس الاجواء الحين
وقامت تسب في دكتوره اسمها ........ ! وبعد ماشبعت من سبها ...
قالت :
وعموما فرصه سعيده اني اتعرفت عليك .. واشكرك على قراءة كلماتي بس والله ماكتبت الا من الطفش _ عموما _ انا فضولية شويه
ممكن بعد ماتخلص من الكتاب
تكتب على الوجه الثاني ردك ليا .. ورجعه وانا بقرا ردك
وان شاء الله اني ابي اشتريه في تاريخ كذا وكذا
المهم
ناظرت في التاريخ ولقيته بكره
ياساتر وش اسوي ؟ طيب انا ما ذاكرت ... وش ذا الحظ ؟
المهم اني رحت وطي!
وقررت اني اكتب لها الرد وارجعه بس قبل كل هذا رحت وصورت الفصول اللي داخله في الاختبار عشان اذاكر
كتبت لها رد محترم وقلت لها : ترى ابي اشتريه عقب اسبوع.
ورحت ارجعه
المهم فعلا رجعته وشراه الزووووول اللي شغال في المكتبه بنص السعر
اليوم الثاني بالليل رحت للمكتبه ولقيت الكتاب مباع سألت الزول :
الكتاب اللي شريته منك امس وينه ؟
قال : الليله اجت بنت وشالته !!
انا ماصدقت ووصلت ابتسامتي لغاية اذاني
المهم اخذت انا وياها ثلاث اشهر وحنا شارين الكتاب وبايعين الكتاب
والمستفيد الوحيد المحل حق الكتاب المستعمل.
لا وبعد الزووول ماصار يعرض الكتاب .... فهم علينا وصار يحطه عنده في الدرج ويسلمه لي او لها اول ما نجي
مرت الايام وجيت للزووول وسألته عن الكتاب .... ليه ماردته فلانه للمحل
قال: ماادري ..... مو هوا الكتاب ابو غلاف اصفر
قلت ايه هوا
المهم انا رحت وطلعت سيارتي ويوم وصلت الاشاره قلت: لحظه يارجال .... الحين الزول يقول الكتاب لونه اصفر بس الكتاب لونه احمر ..... مو معقوله الزووول يلخبط في لونه ..... المهم ديورت بسرعه ورجعت للمحل .... تتوقعون وش لقيت ؟؟؟؟؟
لقيت الزوووول ماسك كتابي الاحمر وقاعد يكتب الرساله اللي انا منتظرها
يعني الزووووول طلع هوا البنت
انا من كثر الصدمه جلست اضحك اسبوع كامل على نفسي وتتوقعون وش سويت في الزووووول ولا شئ بالعكس شكرته
لانه اذكى زووول شفته في حياتي وطلعت انا الغبي ...
وسوا الحركه هذي في كثيرين غيري.
هههههههههههههههههههههههههههه