مرحوم يارمز الوفاء يابونواف = يالي فعولك كل طيــّب ذكرها

يالشيخ يابن الشيخ كامل بالاوصاف = يالي لك الرايات كلٍ نشرها

فعلك مابين الناس بالطيب ينشاف = واهل الكرم والجود هذي دبرها

ليتك مع الحيين تمشي وتنشاف = وليتك تشوف عيون تنثر عبرها

يبكونك الي بالقرايا والارياف = والي بوسط البر وايضا بحرها

ويبكونك الشجعان من كل الاطياف = والصلب والصمان هلت عبرها

ويبكي عليك الي شكا ضيم واجحاف= لامن وقفات الشجاعه ذكرها

ويبكونك الدوشان مع كل الاسلاف = ومطير من فرقاك زايد كدرها

وكل القبائل صابهم خوف وارجاف = واحزانهم حلت وغيـــّب سررها

حتى الذي يسعى بمكه ويطاف = وفات ابو نواف وصله خبرها

مرحوم ياراع الشجاعه والانصاف = عساك بالجنه وتقطف ثمرها

وفيك العوض مسير ونايف ونواف = والله يبطي بالصصدوف وقشرها

وانا بعد فرقاك قمت ابدع القاف = والنفس ماترجع ليا جا قدرها

جوي تعكر بعد مامات عبد الله = مات الدويش الشجاع بن الشجيعيني

النادر الي يعقد الحبل ويحله = الي برايه مشو ربعه مطيعيني

شيخ(ن)ولد شيخ نادريبري العله = وابوه سلطان من روس السلاطيني

مرحوم يالي مايعرف كلمة الزله = يضحك حجاجه بوقت العسر والليني

اعزي مطير واعزي بلد كله = وكل القبايل ولو جونا معزيني

هذا فقيد الوطن والطيب محتله = وفرقاه صعبه على الناس الشريفيني

يالله يالله يالي تغفر الزله = تجعل بقبره رياض من البساتيني

واحفظ خوانه هل التوحيد والمله = مسير ونايف وبندر المياميني

ويعيش نواف واخوانه على حله = هم العوض فيه والغالين غاليني

الطيب فيهم نشوفه طبع وجبـلّه = قوم(ن)على رفعة الهامات ضاريني

والموت سنــــّه ودرب الحق نــــدّله= وحنا على سنة الخلاق ماشيني