وهذا انا يافهد أول وحده تجاوبك ..


1)كم مرة صبغتي شعرك ؟؟

وانا صغيرة قبل أدرس كانت أمي دايم تصبغ شعورنا ( بكنت ) اللي كرتونها وردي الظاهر كانت الموضة مدري وش سالفتها .. وتم مقاطعةالصبغات إلى أن وصلت الثانوي و صبغت مرة بروفه عشان أجرب شكلي بالصبغات .. والمرة الثانية عشان زواج أختي .. وما زالت المقاطعة مستمرة ..

2) تحبين احد في هالفتره ؟؟



طول عمرنا وقلوبنا تنبض بالحب .. وش معنى هالفترة ؟.

3) تقدرين تعيشين بدون مكياج ؟؟ جاوبي بصراحه


شرهتك ع اللي تحط مكياج اصلا .. يالله بالمناسبات اتكرم واحطه ..

4) هل انتي راضيه عن شكلك الظاهري حاليا .. أو أنك تحسين أنه يبيلك بعض التعديلات ؟؟


إيه الحمد لله راضية .. وشو تعديلاته بعد ؟؟

5) تساعدين أمك بشغل البيت والا تخلين الشغاله بدالك ؟؟

ما عندنا شغالة .. أنا وخواتي متقاسمات الشغل .. كل يوم شغل المطبخ ع وحده والتنظيف ع وحده والغسيل ع وحده .. وأمي المشرف العام ..

6) مين أحلى فنان عاجبك؟؟

استغفر الله ..ما أتابع ولا أشوف ولا أسمع لأي فنان ( حراااااام )

7) لو شفتي وحده احلى منك تغارين منها؟؟

لا والله .. الله خالق كل إنسان باالصورة المناسبة له ..


8) وشو مواصفات فارس احلامك ؟؟


...............

9) هل تتمنين أنك تصيرين أم ؟؟


..........

10) كم تنامين ساعه باليوم؟؟

ما فيه عدد معين .. كوكتيل كل يوم يختلف عن الثاني


11) وش افضل عندك تتزوجين وتطلقين -لاقدر الله- او ماتتزوجين احسن؟؟

ما أتزوج خير شر ..

12) وشو أحلى طير عندك؟؟

الصقر في المرتبة الأولى .. بعدين أي طير صغنون و شكله حلو..

13) وشهي مجلتك المفضله؟؟

نادرا أقرأ مجلات .. بس فيه مجلة حياة الفتيات .. ومجلة نون ..

14) كم ميزانيتك للملابس بالشهر؟؟

مو عاد كل شهر .. قل بالسنة .. يعني حوالي 500مية إما زي للجامعة أو للعيد .. والمناسبات العادية الحمد لله الدواليب متروسة ..


15) هل تبكين بكثرة والا تحسين ان بكائك طبيعي ؟؟
على حسب الأحداث اللي تواجهني ..

16) هل تحافظين على وزنك بالنسبة لطولك وتهتمين بغذائك والا مشي حالك؟؟

وزني تقريبا مناسب لطولي .. يايزيد كيلو ولا ينقص بشكل غير طبيعي إذا تعبت ..


17) وشو البلد اللي ودك تروحيه؟؟
والله أموت وأروح لحايل بس مافيه أمل .. ولا حتى بالأحلام ..

18) هل تشوفين صوتك حلو ؟؟
الحمد لله أهم شي إني اتكلم ..

19) في وشو تقضين أوقات فراغك؟؟
أكثر شي أجلس بغرفتي كذا ما أسوي شي .. وكان لي شهوة ع الشغل دورت أي شي و سنعته ..

20) ماهو الاهم الزواج ام اكمال الدراسه؟؟


الدراسة






يالله جاوبت عطني حلاوة وياليت يكون حلاو جالكسي .. و لا بعلم عليك ابن مشدد ..