كنت اتصفح بعض المواقع قبل قليل فوجدت صورة الشيخ مسير بن سلطان الدويش رئيس مركز الارطاويه وقد بدأت ملامح الحزن عليه بعد وفات اخيه الشيخ عبدالله بن سلطان علما بأن الشيخ مسير تربطني به علاقة قويه وانا اتأثر من تأثره حفظه الله فأتت معي هذه الابيات مباشره
ياحي هالصوره وياحي هالراس = يابن الدويش الصيرمي ياكحيلان
لاباس ياشيخ المناعير لاباس = لعلها في دنيتك تال الاحزان
صحيح فقد الشيخ موجع وحساس = لكن هذا امر الولي عالي الشان
ياماتجرعنا المراره من الكاس = وياما فقدنا من نشاما وشجعان
وليا فقدت اخوك ياطيب الساس = حنا بحزات الشدايد لك اخوان
والموت كم فرق جماعه من الناس= كم راح تحت الارض من روس شيخان
ولاراح ابو نواف مانعلن الياس = مادام فوق الارض موجود دوشان
انتم ذرانا يابعيدين الارماس = وانت العوض في شيخنا يابو سلطان