استبشري يادار بقدوم سلطان = سلطان ساس المرجله والزعامه
الباس زال وكل شئٍ لنا زان = وبأجمل لحونك غردي ياحمامه
غني وانا اجاوبك في كل الالحان= ومن فرحتي والله لأطش العمامه
اليوم حل العيد في كل الاوطان= والتاج حطيناه في كل هامه
بقدوم ابوخالد سلايل كحيلان= ابن الملوك الي رفيعٍ مقامه
ولي عهد المملكه طير حوران= عضيد عبد الله ودرعه حزامه
الي على شعبه كما الغيث هتان= ويقابل المحتاج بالابتسامه
ياماحضن شايب وفرّج لشبان= وياما ومر بالعدل والاستقامه
ولابانو اهل الحقد في حقدهم بان=ياما على العدوان سدد سهامه
والي يبي يحصي مزاياه غلطان= الا اننا نعلم بيوم القيامه
وحنا نتفاخر فيه في كل ميدان= وكل السعوديين لبسو وسامه
والحمد لك ياعالي القدر والشان= رجعت ابو خالد لنا بالسلامه