آنا ودي أهني هل المنتدى بالعيد=عساهم بخير وكل عاما يعيدونه
بلاعضاء وعضواته تحيه بلا تحديد=تحيه مع التقدير والصدق مقرونه
هلا المعرفه والعلم والفكر والتجديد=هم النخبة إلي بالتحكم يديرونه
نبي صف واحد ترتفع كلمة التوحيد=نبيها توقع بالهدف ماتجي دونه
ترى إلي معه تفكير دايم نظره أبعيد=ولا من تكلم كلمته جات موزونه
تفيض المشاعر بالمحبه وفيه اتزيد=يزيد احترامه عند من لا يشوفونه
نبي نبتعد عن قال زايد وقال أعبيد=ولا نستمع في هرجهم لو يقولونه
ترى راعي ألنمه نخليه عنا حيد=نطوفه وراعي الحقد لو مات بغبونه
آبا عايد الشعار وأقول بتأكيد=لهم في مجال الشعر بصمات مخزونه
ترى الشعر في كل المواضيع ماله قيد= قوافيه في معناه يلي تعرفونه
نبي أنجدد الموروث حتى يصير أمفيد=على شان من يقراه يكفيه مضمونه
نهاية كلامي قلت قول(ن) بلا تفريد=عساكم بخير وكلمة الحق مصيونه