الحال شان وشينه منهو الحال = غير الحبيب اللي قطع حبتيله

يضك صدري ضكت الجال للجال = لاقول مسموعن ولا فيه حيله

وياوجد حالي وجد عاقل معه اهبال = خابت ضنونه وانقوله وا عزتيله

طامع ويحسب الحب في كل الاحوال = مايدري ان الحب بكره يكيله

ارسلتله ورد على كل الارسال = انسى العلاقه وردها مستحيله

وقمت اتراجف بالمهل والتمهال = ترى التفاهم هو افضل وسيله

حنا ترانا تو فالحب نزال = ماجاد بينا حبنا ياجميله

خلي المحبه ترجع ايام وليال = والله لتلقين المحبه الاصيله

قالت تحسب الحب طالع ومنزال = ماكل من يدعى المحبه تجيله

انا صبرت الين صبر الوفا طال = ولا طال صبر الوفا ياطول ليله

بكره ليا جوك من المخاليق عذال = تعرف قدر حبي وتعرف مكيله

اخذ الكلام اللي يكفي بالاقوال = انسى العلاقه وردها مستحيله