منتديات الموازين الرسميه - عرض مشاركة واحدة - الرحلة الربيعية الأولى لعام 1431 هـ في منطقة الموشم بالقصيم

غير متواجد حالياً

أختتام اليوم الأول من الرحلة وابتاء اليوم الثاني


	الأخوة الأجلاء السلام عليكم ورحمة الله العشاء شواء يشفي خوى الراس وبعد ابريق حليب الخلفات اللي جابه لنا عائض الضبيطي وراكان ابن مدلج .المطعم بالزنجبيل .خلد الفريق الى النوم في جو يخلو من ازعاج الشيارات والمعدات والمكيفات وجميع المنغصات فاتني تصوير الفريق قبل قيامه من النوم المريح ..وما اجمل اكياس البر ...خصوصا وقد ظن البعض منا ( من سوالف ما قبل النوم ) ان ذيب الهضوب يحوفه فاغلق عليه الكيس وبشده ...ولكن تلاحقت روحي والتقطت لكم هذه : وجاء دور الأفطار وفرصت من لم يجد له مسهم بالأمس والبارحة فاراد ان يساهم بشي ولو قليل ...فهاهو القرص الجمري : طبعا القرص والكبده معروف راعيهم اللي محتكرهم في كل طلعه وان حاول ابو مقرن يظهر كأنه يجهزها ..بس لا تصدقونه ( الكمره مخاوزه معه ) . هذي صحيح لأبي مقرن ( المقلقل والكمونيه ) وما احلى شغل الشغموم وما احلى دلة عائض السعدون على الصفا ومع صفاء الجو وسوالف النشاما ويستعد الفريق للمغادرة : تلويح من اعضاء الفريق وعرضات نجديه واشعار عبدليه ابو يوسف صدناه وهو يحطب وشايلٍ الفاس ( عسى ما تعبت يابو الشباب ) الظاهر انه يحطب للمحافظة على البيئة من خلال احراق المخلفات . عافية عليك ان كان هدفك الحفاظ على البيئة لا وابو بدر يشجعه مادري يرسله ..اثاريها ماهي من افكاره ..بل استجابه لأمير الرحلة ..عرفناك يابن شلاح الا والله شوف الحفره جدامه ...وشوفوا الوضع قبل !!! وابو مقرن يا دافع البلا تحت المراقبه حتى وهو بالبلا هناك من يطمأن عليه ( تعرفون ما اقصد ) هذا الثنائي حقيقة هما اللذان قاما بجل العمل( انشهد انهم أهل البروالمكاشيت ..اما نحن الباقون ..فخذ سوالف وبس ما قلت لكم ..ابو بدر حفظه الله امير الجماعه يشير الى ضرورة الحفاظ على البيئة وهاهو المكان خيراَ مما كان توقيع ( منسق موقع قبيلة مطير ) لله دركم يا الاد عباد . و لكم خالص التحية والتقدير ،،،

وتقبلوا تحيات :
محمد الشــلاّحي
منسق موقع قبيلة مطير

والسلام عليكم ورحمة الله