يا ناشد ٍ عنا ترانا ذوي عون= ناقف نهار الكون قــدم المعادي
حنا هل الطولات والناس يدرون= لا صارت الدعوا صباح وهجادي
لفعولنا كل القبــــــــايل يحسبون = انشد قديمين العرب والجـــــدادي
وان عدت الافعال ربعي يعد ّون = تشهد لهم كل الحظر والبـــوادي
كم واحد ٍ من فعلنا طاح مطعون = عقب الطرب يصبح عشاء للحنادي
وكم واحد ٍ جانا يبي يكسب الكون =وحليلته لبست عليه الحـــــــــدادي
لا صاح صياح الضحى يطلب العون= بأرواحنا دون القبـــــــــــيلة نفادي
نفزع ليا قالوا لنا الناس تكفون = حنا هل الفــــــزعات وأهل المَعادي
نطوع العاصين حتى يطيعون = ومن عقبها يمشون معنا سنـــــادي
اللي يصافينا معزز ومصيون =يحسب علينا حسبة اهل الشـــدادي
واللي يعاندنا من الناس مهيون = نعلمـــــــــه وش لون درب العنادي
حظه ضعيف اللي تعرض ذوي عون= لا والله الا صار ليله ســــــــــوادي