وش قلت وش قلت يادكتور غسان
كُتب : [ 04 - 02 - 10
- 11:05 PM ]
في محاورة جرت بعد شاعر المليون النسخة الثانية والتي شارك فيها الشاعر المعروف ( هلال المهلكي المطيري ) وهلال أسم لايخفى على متابعي ساحة الشعر ابداعه وهو من رموز الساحة الشعرية في النبط .
كانت مشاركته في شاعر المليون لم تخدمه لأنه وضع تجربته الفريدة في ايدي أناس لايفقهون من الشعر الا ( طال عيمرك ) .
كانت الصدمة عندما تطاول غسان الحسن بقوله لهلال ( هل لديك لسان ) ومادعى هلال للسكوت وعدم الرد بنفس طريقة الأردني الفظة والغبية , وذلك حرصاً من هلال على استمراره في البرنامج أو لعدم نقل صورة سيئة عنه .
تطرق الشاعر الفذ سوارالذهب لموقف غسان مع الشاعر هلال المطيري وكأنه يقول حرام أن يذهب شعراء كبار ليضعوا تجربتهم ومكانتهم في أيدي أشخاص بأبسط كلمة يغيرون نظرة الناس البسطاء الذين لم يعرفوا الشاعر سابقاً , مثلما عملوا مع الكثير من الشعراء الكبار كخالد العتيبي ومدغم ابو شيبة وضيدان المريخي ........ .
كان لقاء سوار الذهب مع الشاعر سعود المهلكي فرصة لتناول هذا الموضوع بما أنه من ربع الشاعر هلال المهلكي , وتطرق النقاش لوجوب محافظة الشعراء على مكانتهم وعدم زجها بسهولة لمثل هذا البرنامج السخيف .
وكذلك تطرق سوار الذهب لكثرة مدح ومجاملة آل نهيان , واغراء جوائز البرنامج للشعراء والتي بسببها يرخصون تجربتهم الشعرية ومكانتهم الكبيرة ليعرضوها أمام غسان وزملائه ليتلاعبوا بهم كيف شاءوا
سوار الذهب
سلام يالمهلكي يـاذرب الايمـان والبال طربان والخاطـر نصيحـي وش قلت وش قلت يادكتور غسان ماادري كلامك خطا والا صحيحي
سعود المهلكي
يامرحبا قلتها من قلب ولسان وانا صريحي وابا رجلاً صريحي المخطيه مالها عند العرب شان ولاناخذ العلم من واحد مسيحي
سوار الذهب
دام البقا والمعاني سرج وعنان واليا بغيت النبط والا الفصيحي منته بحاجة كلام فلان وفـلان وأظن بأسبابها ضاق الفسيحي
سعود المهلكي
الفارس الي يجي في كل ميدان حظه ليا قام مايرضا يطيحـي حنا ترانا لنـا للهرج ميـزان واللي بلاعرف خله يستريحي
سوار الذهب
حث الركايب وموعدنـا ورى ابـان ماهو على الشاص وجموس الجميحي ترى الحقيقه لهـا ياسعـود برهـان لانـي مجامـل ولا أحـب المديحـي
سعود المهلكي
ياسوار ياسوار انا مانيب عميـان ولانيب ياسوار في الدنيا شحيحـي مقدار سالم ترى إمن الشيخ سلمان لو أن سالم معـه قلبـن جريحـي
سوار الذهب
ياسعود جعل الحيا من غر الامزان الضلع به ذيب وقرون الوضيحـي ياطيب هاك العلوم اللي على شان لاصالح سلمان هل سالم يصيحي
|