أشكر الاخت الراسية على نقل مرثية بدر سالم :
ولو انها قصيره ولاكن معبره :
حقيقه شدني شكوى بدر على أبنه صقر حر فراق والده
والله يرحم الميت ويبقي الحي: أنا جاريته بهذه القصيده ارجو ان تحوز على اعجابكم : تحياتي للجميع
يابدر مال العبد عن حكم مولاه = ايقن ترى كل البشر للزوالي
ميكتب المولى على البعد يرضاه = يرضى بحكم الله على كل حالي
ولادمي ماهو مخلد بدنياه = لابد من يومن يشد الرحالي
له يومه اللي ينكتب ماتعداه = رفع القلم والصحف طويت ثقالي
والي مامات اليوم بكره بقفاه = الموت ياكل والليالي عجالي
ولا ينفع الانسان مالن ولاجاه = ألا بقول الحق وقت السوالي
ماقدمه يابدر قدمه بيلقاه = وتحصر جميع أعماله اول وتالي
ويشوف ماحاشت يمينه ويسراه = مع اليمين يصير ولا الشمالي
هذا مصيرن كل واحد بيطاه = أنكان قصر الوقت وانكان طالي
صحيح ابو حزام راح وفقدناه = وانه فقيده له مكانه وغالي
لكن هذا حكم ربي ومضاه = أمره حكم ماعاد فيها جدالي
قدامه مسيب ومذكر بكيناه = شربو بكاس الموت ياهملالي
ومقحم بعد قدامهم قد نعيناه = اقفا وقفن به بنات الليالي
ومتعب وصقر الموت جاهم مفاجاه = وقدامهم يابدر فيحان خالي
ونوار عامر زاره الموت واخفاه = واخوه عايش قد وطته المحالي
وفارس وفاضي موتهم مانسيناه = ويضا ولا ننسا فراق ابن عالي
ومناحي وغزاي بعده دفناه = مابينهم ياكود عدة ليالي
ومسعد وعيد أهل البيوت المبناه = وسعود ابن مسعد كريم السبالي
وقدامهم عايد ليا حل طرياه = وقدمه صقر غزاي زين القبالي
يابدر هذولا الرجال المسماه = الكاملين وللولي الكمالي
مافيهم اللي الموت عافه وخلاه = ولا ردهم بكا الاهل والعيالي
ولافيهم اللي يابدر مارثيناه = ياما رثينا وازرق الدمع سالي
لكن هاذي حكمة الله واقضاه = سبحانه الوالي على كل والي
اصبر وترى الصبر محمود عقباه = ويعوضك المولى عزيز الجلالي
وصلاة ربي عد من حج لرضاه = على النبي اللي مشى بالعدالي