منتديات الموازين الرسميه - عرض مشاركة واحدة

غير متواجد حالياً


	يا ناشـد ٍ عنا ترانـا ذوي عـــــون+ ناقف نهار الكون قــدم المعادي حنا هل الطولات والنـاس يـدرون+ لا صارت الدعوا صباح وهجادي لفعولنا كل القبــــــــايل يحسبون + انشد قديمين العرب والجـــــدادي وان عدت الافعال ربعي يعد ّون + تشهد لهم كل الحظر والبـــوادي كم واحد ٍ من فعلنا طاح مطعون + عقب الطرب يصبح عشاء للحنادي وكم واحـــد ٍ جانا يبي يكسب الكون + وحليلته لبست عليه الحـــــــــدادي لا صاح صياح الضحى يطلب العون+ بأرواحنا دون القبـــــــــــيلة نفادي نفـــزع ليــا قالوا لنا الناس تكفون + حنا هل الفــــــزعات وأهل المَعادي نطـــوع العاصيــن حـتى يطيعــون + ومن عقبها يمشون معنا سنـــــادي اللي يصـافــيـنـا معـزز ومصيـون + يحسب علينا حسبة اهل الشـــدادي واللي يعانـدنـا من الناس مهيون + نعلمـــــــــه وش لون درب العنادي حظه ضعيف اللي تعرض ذوي عون+ لا والله الا صار ليله ســــــــــوادي

تسلم على هذه القصيده الجزله