قالوا علامك ياعلي صابك من الساحه ملول=نبا الاجابه يالدجيما طال عمرك مقنعه
قلت الحقيقه والأوصول انا كان تبغون الأوصول=انا نويت اغادر الساحه وكب المعمعه
انا ثلاث اشهور صايبني من الساحه ذهول=يامكثر الشعار والشعر الحقيقي مسمعه
احد(ن) يعقله جمل وحد(ن) يعقله ذلول=وحد(ن) يقول ان الديار الممحلات مربعه
وانا اللتزمت الصمت والبيبان فتحت لدخول=احسن لي ارجع عن مسيري قبل لبس الاقنعه
قدام لبلش مع يقول وقال مدري وش يقول=ناساً تحب الضيق ماتومن بمعناة السعه
ماني على اعناق الغشيم اللي بلا فكر محمول= بعض الرجال امن الغشامه سد عينه بصبعه
من بعد ماهو في صعود اليوم اشوفه في نزول=نزل من اعيون الرجال اللي لها مده معه
ليته تعذرعن كلام(ن) مايمشيه مهبول=ويقول هاذي زلة الساني وغلطه مطبعه
اشره على الطيب واقول الوجه ماهو بمغسول=امن الحيا واللي يشق الشق لازم يرقعه
وانا محب الغطرسه دايم ولا احب الفضول=ولا احب اجامل عالمن فالشعر ماهي مقنعه
اقول ياشاعر كذا ولا كذا وعمرك يطول=انما تعلم طاح وليا طاح محدن يرفعه
هاذي حقيقه قلتها وعلنتها حسب الأوصول=ومن لاتقيد بالوصل يسد عينه بصبعه