سلام يلي نبـض قلبـي يناجيـك
وليا طريت القلب يرجـف محلـه
يالصاحب الي مالنا غير طاريـك
هذا علاج القلـب والقلـب كلـه
تعال يمي شوف قلبـي يناديـك
شوفه يقـول البعـد لا لا تدلـه
لا تروح دام القلب يمك ويرجيـك
قرب وطاري البعد يازيـن خلـه
نسيت كل الحب ماطريت ماضيك
ولا طرى لي قلب ماضي تشلـه
وأنته تردد جعل ربـي يجازيـك
بسباب منهو كـان قلبـي يحلـه
وش لك بماضي كان يمي تهاليك
وش لك بقول الحب ماهو مذلـه!
قلبي وأعرفه دام يصرخ ويغليـك
أكيـد ماغيـرك بدربـه يـدلـه
شاريك قلبي ثـم كـرر بشاريـك
شاريك لو أنـك بجـورك تذلـه
شاريك قلي وش على البعد حاديك
وش لك على قلبي وسيفك تسلـه
شفتك تقول اليـوم والله لبكيـك
ماتدري أن الدمـع يمـك وهلـه
هذا جزاة الـي لقربـك يحاكيـك
هذا جـزاة الـي لحبـك يشلـه
عندي وصيه قبل لختم بوصيـك
وصيتي للقلـب لا تجيـب علـه
مادام قلبي يـم قلبـك و يدعيـك
أبشر بقلبـك مايشـوف المذلـه
وبشر بمنهو يـم قلبـك يداريـك
وأبشر بكل الحـب يمـك وجلـه
وختامها لازلت أنا أرجي حراويك
تعـال وأنتـه يـم قلبـي تدلـه
م/ن