ياليت بابا عندنا داخل البيت=من غاب عني مالقيت السعاده
طوّل عليّه في غيابه ومليت=ماهوب من طبعه ولا هو بعاده
مرت ثلاث أيام هو ليه ماجيت=يارب ما تأخذ عليها زياده
بكّيتني وأنا بسبّتك بكّيت=أمي بكثر الأسئله والعناده
لاجيت أنام الليل من غيرك أزريت=أشم عطرك يوم أضم الوساده
هو صدق قول الناس بأنك توفيت=وأصبعه مرفوعٍ بنطق الشهاده
لو ليت تنفع كان رددت ياليت=لين الجفن يرتاح لحظة سهاده
البيت ياشينه بعد راعي البيت=مافيه لا راحه ولا به سعاده