اسعد الله جميع اوقاتكم بالمسرات

الله على اللي يبعد المطراش لامنه سرا=ان بغيته مع خطوط مزفلته ولا براري
مفخرة الارض والله انه هو المفخرا=وارد تيوتا جايبه البازعي لكل شاري
جيب عشره مركب آلاد الشيوخ الومرا=لولوي اللون يشبه بيضتن منها مواري
آخر موديل ولايهمه طلعة الغاط وكرا=بالعزم ماله شبيه الا مثل سفن الصحاري
ان طحك بليل كنه شمس يجهرك اجهرا=يجهر المنطوح خطرن لايعييد فالكباري
وان قفيته ثم شفت اسطابه اللي من ورا=جمع شمعاتن مثل طلقات شعالن وناري
وان صدفته واقفن وقفة شجيع ويخبرا=خابرينه بالشجاعه ولا هو اعن الموت داري
هذا هو الجيب لندكروز حي المصدرا=مايجي حوله بفندر مايجي حوله سفاري
حي من هو يملكه لو هو بدين ومعسرا=يكفي انه لانوا المطراش سجه مايداري
اشهد انه مايبيعه من جناه ومن شرا=كود من حده زمانه على بيعه انجباري
وانا والله ماملكته لو معي فيه اخشرا=واطلب الله وحده القادر وخلاقي وباري
قادر يبدل عسر عبده ليسر ويقدرا=واطلبه انه يجيبه واقفن قدام داري
وخلاصة الحرف المفبرك من هو اللي له قرا=يفهمه من دون ماهو يستشير به استشاري
سعد من دنياه دايم للفرح تستبشرا=ماعرف فرقا ريال ولافرك يمنا بيساري

وسلااااااااامتكم