ليتني يايمّه في عمر الطفوله
أترك الدنيا وبلاويها و اخليها وراي
أقضي الأوقات في صوله وجوله
بين لعب وضحك والعابي هناي
اطرب اصحابي وياني ملوله
ونومي بْـ حضنك تري غاية هناي
اوصل الروضه واعوّد لك عجوله
ما احتمل طول المغيبه يا مناي
طفله صْغيره و في طبعي خـــجوله
بـــالــبـراءه دوم يـــــغلبني حــــياي
أج ــهل الأيــام وقلوبـ(ن) غـلـولـــــه
واجهل طعونـ(ن) شكى منها حشاي
و اجهل الوقت الردي و انسى حموله
ولا اعرف ظروفٍ حصل منها شقاي
واجهل سؤالٍ عجزت القى حلوله
كيف حكم الوقت يامر في عناي
وكيف بعض الناس تجرحنا فعوله
مايجي من هجرها حكمه وراي
قصدهم ظلمي وتهميشي بسهوله
همهم طول الزمن طعنه قفاي
يمّه ارتاحي من الهمّ وْحموله
كلهم مايوصلون لْـمستواي