الحمدلله كما ينبغي لجلال وجهه وعظيم سلطانه
والصلاه والسلام على الرحمه المهداه للعالمين واله وصحبه الكرام
لكم اهي هذه الابيات متمنيا ان تنال لدى ذائقتكم القبوول
ماهتنيت بنوم عقب الليل جاني=كني اللي فاقـدن حـي يـوده
صاحبي مانسى غرامه لونساني=لو تخالط هرج مزحه عند جده
كل ماطيفه مع النسمه دعانـي=قلت هبي يالمشاعر صوب جده
ماستمع هرجه فلان ولافلانـي=شوقي الطاغي يزود وفوق حده
يالطيف الروح ماغيرك سباني=ارتجي حبل الغرام انك تشـده
انته اول تجربه لي فالزمانـي=عشتها واقع مرير وطول مـده
العمر فانـي ولاشفنـا تفانـي=والاماني قصـر لاتبعـد تهـده
شوفتك عمرن يزيد العمر ثاني=والزمان يروح ماواحـد يـرده
لاتزيد الهجر وتموت الامانـي=عند منهو بالوصل كفه يمـده
ودمتم بخيرر
تقبلو تحياتي