يابنت روفي في هوا قلـب ملهـوف=معـاد غيـرك بالهـوا ينتحيـلـه
شفتك وكن القلب يابنـت مخطـوف=ومن غيرعطفك رجُعتـه مستحيلـه
كن بسميره بالشبـه منـك يانـوف=بـأوّل صباهـا درو مجنـون ليلـه
الله بلاني بصدفـتٍ مالـه خلـوف=و لاعاد يومٍ جيت شـاط المسيلـه
صدّت ولدّتلـي وبادلتهـا الشـوف=لابيدهـا حيلـه ولالُــيُ حيـلـه
تبعتها والناس طـوفٍ بثـر طـوف=والبـرق يتُبـع لا تـرادم امخيلـه
عنق المها اللي من قربها دخل خوف=يمديـه ولا يمديـه لفـض أتهليلـه
كن امحاجرهـا مناعيـر وسيـوف=لاسلهمـنُ المـوت ماعنـه ميلـه
الله عطاها من الحلى مابهـا حـوف=فصيلـةٍ يـا ويّهـا مـن فصيـلـه
كن الرايف بالعدد واحـد اووقـوف=تبيـد حيـل اللـي تهقـوا بحيلـه
لاتذبحين اللـي بلامـاك مشغـوف=كل يـوم بابـك لازم أنــه يجيـلـه
صويب يشكي نازفه لبّـت الجـوف=وشلـون عقلـه مايضيّـع دليـلـه
دخيل ودّك كـان تبقيـن معـروف=ولايضيع طيب اللي امزبّـن دخيلـه
جيتك وكن القلب من الحدب مخروف=خرف النخل يابنـت لثمـر حصيلـه
مما راق لي