الزين حال البعد بيني وبينة = مسافتن ما تنحّسب بالاميال
مافية غير الطائرة والسفينة = مافية سيارة ولافية رحال
منول(ن) عندي بوسط المدينة = واليوم باقصى الغرب ياساتر الحال
وصالح على الفرقاء عسى الله يعينة= يحّسب الاوقات بيام والليال
يابن مصاول معاد فية سكينة = القلب فية يضرب الجال للجال
للا الضلوع اللي معي ماسكينة = يمكن يطير ويتبعة ركض وجفال
لونت يابن العم تسمع ونينة = لتفزع معي يالقرم بلجاة والمال
حالة افراق احباب بلعون شينة = تخلي الرجال ماهوب رجال
يهين نفسة لو عينة فطينة = ويبين اسرارة على بعض الازوال
تم الكلام اللي لكم كاتبينة = ومنك الخبر منضور يذخر الابطال