1/ كم مرة تغسلين شعرك خلال الاسبوع ؟
والله يالغالية مافي نظام معين أتقيد فيه ..
أحياناً مرتين باليوم ..لو عندنا مثلاً عزيمة وشغل وإلا علي الدور في غسل المواعين ههههه
وأحياناً يوم بعد يوم
وأحياناً يومين ..
يعني حسب ظروفها ..
حالياً أعاني عشان عيوني .. أخاف من المويه والشامبو يدخلها ..
2/ ايش نوع الكريم اللي تحطينو بشعرك؟
كريم فاتيكا للشعر الملون ..
وأحياناً زيت اللوز المر .. أو زيت الخروع ..
برضو ماني متقيدة بشي ..
بيني وبينك أنا إنسانة فوضويه شوي بهالأمور ..
3/ ايش قصة شعرك الحاليه ؟
أيام الدراسة كنت ماأصبر لازم أقص شعري بالشهر والشهرين ..
لكن بعد ماتخرجت نويت أتركه يطول .. ( نيو لوك ) ههههه
وآخر مره قصيته بمشغل كانت برمضان العام
لكني ماأستغني عن خدماتي الذاتية لازم أقصقص منه بنفسي خاصه الخصل الأمامية أدرّجها دايم بنفسي ..
وايش قصة الشعراللي تعجبك ؟!!
ماله قصه معينة ... مدرج من الأمام
وقطعة وحده من ورا ..
4/ ايش لون شعرك؟!!
أشقر زيتوني ..
5/ آنتي من النوع اللي يهتم بالصبغآت ؟!!
للأسف ايه ..
6/ ايش نوع شعرك؟!!
ناعم لكن جاف شوي ..
< طبعاً من قلة الإهتمام هههه
7/ايش اللون اللي تفضلينه في صبغات الشعر ؟!!
درجات الأشقر ..لكن ماتكون فاتحه كثير ..
8/ تعتنين بشعرك بإستخدام زيوت خاصة
او اي شي؟!!
والله مو بالحيل ..
أهب فيها مره مرتين بعدين أنسى الحكاية ..
9/ تهتمين بااستشوار شعرك عادة ؟!! أم فقط في المناسبات ؟!!
لا بالأيام العادية ماأستشور
لكن بالمناسبات إيه ..
10/ ايش نوع الشامبو اللي تستخدمينه في غسل شعرك ؟؟
شامبو برت بلاس
أو هيربال
اللي تعجبني ريحته آخذه على طوول هههه
لاهنتوا على الإستضافه ..
وإسمحوا لي أرشح بعدي أختي الغالية
ريم الموازين ..