يالدجيما على شمسك غيوم=مانشوفك تمر المنتدى
نفقد اللي يسدون اللزوم=وانت دايم بعيد عن الردى
جعلهم من فداياك الرخوم=وانتم اللي تضدون العدى
مير عجل علانا بالعلوم=وين غيبتك من طول المدى
جعل مابك من الدنيا هموم=دلك الله على درب الهدى
راحت ايامنا مثل الحلوم=مايعيش الحديد مع الصدى
ماحلى سجت الربع القروم= يم دار(ن) بها عشب وندى
توها من مباكير الوسوم=مخضر(ن) عشبها توه بدى
يوم قفت مالهيب السموم=فترة القيض مامعها جدى
وسـلامتكم ،،